【動物絕種】肯亞極稀有白長頸鹿兩母子遭獵殺 致全球只剩一隻！

全球嘅盜獵問題，令唔少野生動物頻臨絕種！就連可愛嘅長頸鹿都被射殺，真係無法無天！肯亞自然和野生動物區護林員喺星期二表示，喺園區入面發現2隻稀有白色長頸鹿兩母子嘅屍骸，導致全球只剩返唯一一隻白長頸鹿！

根據外國媒體報導，肯亞Ishaqbini Hirola保護區嘅護林員話已經有段時間見唔到佢哋活動嘅蹤影！而喺3個月前，佢哋被發現只剩返白骨，估計當時至少已經死咗4個月。

Photo from 網上圖片

肯亞野生動物管理局表示，稀有嘅白色長頸鹿喺世上本來就只有3隻，依家有2隻被射殺之後，全球就只得返唯一一隻！當佢都死亡嘅時候，白長頸鹿就正式絕種！

Photo from ISHAQBINI HIROLA Conservancy

Photo from ISHAQBINI HIROLA Conservancy

之前都有報導發現肯亞盜獵者喺樹上設5萬嘅鋼索陷阱，等長頸鹿喺樹葉嘅時候用鋼索將佢哋勒死！可以見到佢哋喺面臨窒息嘅過程，淚如雨下，場面傷感，令人心痛！

Photo from ISHAQBINI HIROLA Conservancy

但願呢個世界再冇任何獵殺、虐待動物嘅行為，每個人都能夠對所有動物都能珍而重之，好好保護佢哋！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）