【派口罩】鄭中基搜羅口罩/防疫物資生日贈長者/基層！痛心老人家捱冷排隊：親自採購包裝送貨

By Helen on 12 Mar 2020

Digital Editor

剛踏入48歲的鄭中基Ronald於Facebook表示：「人大咗發覺生日只係數字上嘅轉變，更重要係長智慧。」所以今年希望可以將祝福分享出去！Ronald痛心老人家要捱凍排隊買口罩，而基層市民又手停口停，口罩、搓手液需求量大，所以出動全公司總動員幫忙搜羅防疫物資，最後經過檢查質量、包裝、送貨等等步驟，聯絡到兩間慈善機構合作送出物資，Ronald更表示希望大家都多啲留意社會上需要被幫助嘅人士啦！

Ronald於生日當天Facebook發文表示：「感謝大家嘅祝福～今年希望可以將祝福分享出去。人大咗發覺生日只係數字上嘅轉變，更重要係長智慧。 阿媽教落生日願望唔可以講出嚟㗎」更hashtag:「#最緊要洗手」、「  #由自己做起」。

Photo from Ronald Cheng 鄭中基 @FB

隨後一日再發文表示：「早排過年時見到啲老人家凍住排隊買口罩，仲要未必買到，真係好心噏。啲獨居長者冇口罩又點落街買餸呢？基層市民手停口停，每日都要返工，但公司又未必提供到足夠口罩同搓手液，其實佢哋仲危險。所以就叫同事幫手搵防疫物資，希望幫到幾多得幾多。呢幾個星期馬不停蹄，採購、QC、包裝、聯絡機構、送貨，要感謝我啲同事同一眾幫過我哋嘅機動好友，辛苦你哋啦！」、「稍後再介紹合作嘅兩間慈善機構，希望大家都多啲留意社會上需要被幫助嘅人士啦！」