download HolidaySmart 假期日常 app
【消委會檢測】80%潤唇膏含礦物油及香料致敏物　有害可致癌物超標近6倍

【消委會檢測】80%潤唇膏含礦物油及香料致敏物　有害可致癌物超標近6倍

時事熱話 生活熱話 健康資訊
By Celia on 16 Mar 2020
Digital Editor

潤唇膏係唔少愛美之人隨物必備之物。但大家對用緊嘅潤唇膏成份又了唔了解呢？！

今日消費者委員會就公佈佢哋早前調查市面45款潤唇膏嘅測試結果。

今日消費者委員會就公佈佢哋早前調查市面45款潤唇膏嘅測試結果。Photo from shutterstock

測試中發現有80%嘅潤唇膏均檢出潛在有害嘅礦物油物質，有部分樣本所含嘅混合物，更超出國際建議上限，其中1款嘅MOSH(短鏈礦物油飽和碳氫化合物)含量達70%；另有多達23款樣本檢出可致癌嘅MOAH混合物(礦物油芳香碳氫化合物)，總量最高可達4.5%。

喺45款潤唇膏樣本中，價格介乎$13至$505港元示等，當中有11款就標榜含防曬效能，檢測項目包括MOSH及MOAH、香料致敏物質、重金屬等。全部標榜具防曬效能的樣本都檢出MOSH混合物。

測試中發現有80%嘅潤唇膏均檢出潛在有害嘅礦物油物質，有部分樣本所含嘅混合物，更超出國際建議上限Photo from 消費者委員會

根據歐盟食物安全局指出，喺動物研究中顯示，MOSH可於體內脂肪組織及多個器官內積存，並有機會與肝臟、脾臟、淋巴結及其他器官中出現脂肪肉芽腫有關連。

檢測結果顯示，當中有36款潤唇膏檢出含礦物油混合物MOSH，有13款嘅MOSH總量超過30%。碳分子數量介乎10個或以上嘅MOSH混合物，較易受到國際食物安全組織所關注。

MOSH可於體內脂肪組織及多個器官內積存，並有機會與肝臟、脾臟、淋巴結及其他器官中出現脂肪肉芽腫有關連。Photo from 消費者委員會

其中以「凡士林護唇啫喱(加強版)」、「Jack Black Intense Therapy Lip Balm - Black Tea & Blackberry SPF25」、「QV 潤唇油 SPF30」、「 曼秀雷敦 薄荷潤唇膏 SPF 15」、「美國雅兒 可可油潤唇膏(原味) LPS815N 」，依五款所檢出啲MOSH混合物含量較高，超出歐洲建議嘅安全限值。其餘13款的MOSH混合物含量都少於5%。

此外，檢測發現，有23款樣本檢出MOAH混合物，含量由0.0054%至最高4.5%。而MOAH則被丹麥消費者組織列為懷疑致癌物質，建議盡量減少攝入。

MOAH則被丹麥消費者組織列為懷疑致癌物質，建議盡量減少攝入。Photo from 消費者委員會

另外，檢測中有多達41款潤唇膏被檢出香料致敏物質，最高一款含量約2.1%，另有37款樣本則檢出檸檬烯，26款檢出芳樟醇，相關物質經過氧化會形成致敏性較高的物質，因此，消委會建議對香料成分敏感人士應多加留意。

消委會建議對香料成分敏感人士應多加留意。Photo from shutterstock

最後消委會亦指出，部分潤唇膏並冇清晰展示成分及生產日期等資料，促請促供應商從速改善產品標籤資料，提高產品成分資料的透明度，讓消費者知所選擇，提醒消費者要細閱產品成分標籤。

Source：消委會

 

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話生活熱話健康資訊消委會潤唇膏