download HolidaySmart 假期日常 app
【武漢肺炎】新冠肺炎全球大流行 袁國勇:所有境外返港人士都要自我隔離14日

【武漢肺炎】新冠肺炎全球大流行 袁國勇:所有境外返港人士都要自我隔離14日

時事熱話 生活熱話
By Ivory on 16 Mar 2020
Digital Editor

新冠肺炎(俗稱武漢肺炎)最近喺歐洲大爆發,多個國家相繼遭殃!香港政府早前採取相關防疫措施,從疫情嚴重嘅地區返港嘅人士先要自我隔離14日!不過,袁國勇今日接受電台訪問嘅時候,就提議所有返港/入境香港嘅人士都要隔離14日,避免疫情擴散!

早前,衛生署就列出咗從邊啲地方入境香港需要隔離嘅名單:韓國、伊朗、日本北海道及歐洲神根地區(即奧地利、比利時、捷克、丹麥、愛沙尼亞、芬蘭、法國、德國、希臘、匈牙利、冰島、意大利、拉脫維亞、列支敦士登公國、立陶宛、盧森堡、馬耳他、荷蘭、挪威、波蘭、葡萄牙、斯洛伐克共和國、斯洛文尼亞共和國、西班牙、瑞典及瑞士),琴日名單就新增咗4個地方,分別係英國、美國、愛爾蘭同埃及!

HolidaySmartPhoto from HolidaySmart

HolidaySmart Photo from HolidaySmart

今日,香港大學微生物學系講座教授袁國勇接受訪問嘅時候,建議所有境外返港人士都需要自我隔離14日,又指市民近期防疫意識開始鬆懈,增加去人多密集嘅聚會次數,可能會導致疫症小型爆發!

香港電台Photo from 香港電台

而港大感染及傳染病中心總監何柏良亦建議港府拒絕嚟自疫情嚴重國家嘅旅客入境!加上輸入個案大幅上升,社區危機四伏,所以認為本地傳播情況短期內唔會有好轉!

Now新聞Photo from Now新聞

有報導指,香港今日新增至少9宗初步確診個案,分別曾到歐洲、埃及、荷蘭、奧地利、英國倫敦及德國等~

HolidaySmartPhoto from HolidaySmart

疫情仍然持續,我哋唔好掉以輕心啊!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

袁國勇指武漢肺炎疫情唔會完結 預計要日日戴口罩到年尾 最好唔好去旅行!

09 Mar 2020

武漢疫情持續,多國都出現確診個案,本港仍每日都有確診病例。

之前港大感染及傳染病中心總監何栢良就指港人主動積極應對疫情,近95%人戴口罩先令疫情未有大爆發。

而香港大學微生物學系講座教授袁國勇喺電視節目中表示預計今次肺炎疫情唔會完結。佢表示夏天疫情或會有改善,但到冬天其他地區會有個案輸入香港。

而香港大學微生物學系講座教授袁國勇喺電視節目中表示預計今次肺炎疫情唔會完結。佢表示夏天疫情或會有改善,但到冬天其他地區會有個案輸入香港。Photo from RTHK

袁國勇教授又指直至年尾,香港市民做定心理準備最好唔好去旅行,同埋要日日戴口罩,尤其係長者同長期病患者等高危人士。

袁國勇教授又指直至年尾,香港市民做定心理準備最好唔好去旅行,同埋要日日戴口罩,尤其係長者同長期病患者等高危人士。Photo from shutterstock

佢提醒大家要做好個人衛生等抗疫措施直到出現有效抗病毒藥物或者疫苗。

袁國勇教授電台節目中再次表示,佢認為今次疫症唔會完結,因為全球各國越嚟越無法完全截斷病毒傳播鏈。

袁國勇教授電台節目中再次表示,佢認為今次疫症唔會完結,因為全球各國越嚟越無法完全截斷病毒傳播鏈。Photo from shutterstock

佢指要到大部份人受感染、獲得天然免疫抗體,武漢肺炎疫症先會開始紓緩。

袁教授估計目前僅0.1%人對新型冠狀病毒免疫,佢預計每年會增加5%,直到7成人有抗體,病例數目會減到好少。

袁教授估計目前僅0.1%人對新型冠狀病毒免疫,佢預計每年會增加5%,直到7成人有抗體,病例數目會減到好少。Photo from shutterstock

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel