【LV消毒洗手液】LV化妝品香水工廠改生產消毒洗手液 免費贈當地醫院

新冠肺炎（俗稱武漢肺炎）喺歐洲多個國家爆發，疫情唔受控，重災區法國早前已宣布全國大部分公共場所要關閉！單日確診數字急增，醫療系統瀕臨崩潰，口罩、消毒洗手液等防疫物資都嚴重短缺！

Photo from pinterest

根據美國媒體報導，法國奢侈時裝品牌Louis Vuitton嘅母公司LVMH喺當地時間星期日宣佈，為咗應付武漢肺炎喺歐洲爆發嘅疫情，將會用公司生產化妝品同香水嘅工廠，從當地時間星期一起開始生產消毒洗手液，希望第一個星期可以供應到12噸產量，並免費提供畀法國當局同歐洲醫院，希望可以解決法國同歐洲防疫物資短缺嘅情況！

Photo from HolidaySmart

扮靚幾時都扮得，但健康就唔係！呢段時間，真係消毒洗手液同口罩，重要過化妝品同香水！希望LVMH此舉，可以感染其他國際品牌，一齊改做防疫物資，提高全球產量，能夠助法國、歐洲以及全球早日脫離武漢肺炎！

Photo from HolidaySmart

工廠主力為國際著名品牌Christian Dior、Givenchy等生產香水和化妝品～LVMH嘅聲明亦提及，希望透過今次緊急措施，能有效幫助解決法國缺乏防疫物資嘅危機，同埋鼓勵更多人採取有效嘅防疫行動，保護自己免受病毒入侵！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）