【武漢肺炎】如東京奧運因新冠肺炎取消　日本奧組委表明疫情屬「公共衛生緊急事件」：門票將不獲退款

新冠肺炎（武漢肺炎）疫情全球持續，而今年7月正正就係東京舉行奧運嘅年份，但因為疫情嘅關係可唔可以如期舉行仍係未知數。

早前《日刊體育》更有報導指日本正計劃將奧運延至2022年舉行，而建議方案最快會喺3月尾嘅理事會會議上討論表決。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

但根據今日《朝日新聞》報導指出，如東京奧運及帕拉林匹克運動會因武漢肺炎而決定中止，根據第32屆奧林匹克運動會組織委員會（東京奧組委）所訂下嘅觀賽門票利用規定，所出售之門票將無法退款。

Photo from 東京奧委會

東京奧組委於官網嘅門票購入規約中表明「如本法人未能履行東京2020門票規定的義務，並由於不可抗力造成的原因造成，本法人將不對此無法履行義務負責。」

Photo from ticket.tokyo2020.org

而其中嘅「不可抗力」就包括自然災害、戰爭、暴動、叛亂、內戰、恐怖主義、火災、爆炸、水災、盜竊、惡意損害、罷工、出入限制、氣候、第三方禁制令、國防、公共衛生緊急事件、國家或地方政府限制等無法控制嘅任何原因。

Photo from shutterstock

據東京奧組委委員指新型冠狀病毒屬於「公共衛生緊急事件」，所以之前所賣出嘅東京奧運及帕拉林匹克運動會中所有門票，法人都將唔使對今次無法履行之義務負責。

Photo from shutterstock

另外，海外人士可於5月中喺網上及指定地點購買奧運門票，大家購買前記得睇清楚條款喇～

Source：東京奧組委網站、朝日新聞

更多相關內容

【東京自由行2019】東京最歷史悠久木造車站JR原宿站  將於東京奧運後拆除

20 Nov 2019

JR東日本公司於昨日宣佈有90幾年歷史嘅木造車站JR原宿站，會於東京奧運後正式拆除。

由大正時代嘅1924年建成嘅原宿站，係東京都內現存最古老嘅木造車站，唔少人嚟到原宿行街，都會喺車站前影相打卡。

Photo from shutterstock

然而JR東日本於2016年宣佈計劃會拆除原宿站，並於旁邊重建全新車站，但有好多當地人都要求保存車站。

Photo from shutterstock

昨日JR東日本表示由於原宿站嘅範圍被規劃為防火區域，而家木造車站無法達到日本法律所要求嘅耐火功能，所以需要拆除重建。重建車站會使用返符合防火準則嘅建材，盡可能重建得嚟可以重現返原本設計形態嘅車站。

新車站會於明年3月21日開通，出入口有竹下口同表參道口外，仲會喺明治神宮方向開多個新出入口。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）