冇廁紙自行搵其他人嘢代替　美國警察出Post呼籲市民勿打911：我哋唔會拎廁紙畀你

喺新冠肺炎（COVID-19，武漢肺炎）疫情嘅影響下，唔少國家都出現市民搶購物資嘅情況。

而大家除咗搶糧之外，廁紙亦係其中一樣被大家瘋搶嘅貨品之一。

Photo from Twitter

日前，喺美國俄勒岡州紐波特（Newport）就唔知係咪因為太多人搶唔到廁紙而打電話報警嘅關係，搞到當地警察要喺其Facebook出Post，呼籲市民唔好再因為搶唔到廁紙而報警，仲好貼心咗提供多種代替品畀大家參考。

Photo from shutterstock

紐波特嘅警察喺貼文中，一開始就指佢哋為依知post感到不可思義，更直言：「沒有廁紙你仍能生存！」

Photo from Newport Oregon Police Department

之後佢哋仲好貼心，以「介紹」歷史嘅方式咁提供多個唔同嘅代替方案畀大家，如指出海員會以浸過鹽水嘅舊繩索和錨索；而羅馬人會用插喺木棍上嘅海綿；馬雅人則會用粟米芯等，更「提醒」民眾當地係沿海城市：「我們有大量可用嘅鹽水」。

Photo from Newport Oregon Police Department

又指以前嘅農民會用年鑑或免費的郵購商品目錄當作廁紙，並搞笑提議大家可以選擇用聖誕節嘅商品目錄，因為聖誕商品目錄比一般商品目錄厚4倍：「足夠一家三口從12月用到2月情人節，而如果你足夠節儉嘅話，仲可能可以用到3月嘅Saint Patrick’s Day 添！」

Photo from shutterstock

佢哋仲建議可以用報紙、樹葉、廁紙筒、雜誌等作為代替。

最後，佢哋再一次強調廁紙短缺只係一時，市民唔好再因為此事打911報警：「我哋係唔會拎廁紙畀你」。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）