【意大利醫護】意大利醫療系統崩潰 醫護哭喊:未見過同一時間咁多人死喺我眼前!

【意大利醫護】意大利醫療系統崩潰 醫護哭喊:未見過同一時間咁多人死喺我眼前!

時事熱話 生活熱話
ByIvory on 19 Mar 2020 Digital Editor

歐洲新冠肺炎(俗稱武漢肺炎)疫情持續嚴峻,確診個案累計超過八萬宗,已超越中國!而意大利成為咗歐洲最嚴重疫區,今日單日死亡數字創新高,有成475人!更有指遺體趕唔切火化,塞爆教堂!

意大利醫療系統面臨崩潰,確診人數之多,醫護不眠不休抗疫,戴口罩戴到滿臉勒痕;有護士攰到趴喺鍵盤前訓覺,亦有醫生2星期冇返過屋企見仔仔!更嚴重嘅係,佢哋要抉擇先救邊個~唔少醫護因此感到沮喪,因為作為醫生,自己卻無能為力去拯救每一個病人,然後眼白白望住佢哋一個個咁離世,對佢哋嚟講係種好大嘅衝擊!

IG@Paolo Miranda
Photo from IG@Paolo Miranda

外國傳媒NBC報導話,意大利有世界級嘅醫療系統,但武漢肺炎擊垮咗整個醫療系統!有意大利護士話:「我唔介意24小時不眠不休工作,但我好焦慮,因為我哋正係同未知嘅敵人戰鬥緊~」亦有護士崩潰:「我從來冇見過喺同一時間有咁多人死喺我面前!」

Twitter@andreavogt
Photo from Twitter@andreavogt

意大利暫時總死亡人數接近3000人!有報導指,遺體太多,趕唔切火化,塞爆整個教堂。而且當局下令禁止群眾聚集,就連想為親友舉辦喪禮都唔得~

網上圖片
Photo from 網上圖片

有牧師表現非常悲傷:「每日都有幾百人死亡,每個遺體都要花至少1小時先能夠火化,數量累積起來非常可怕,死者實在太多。」

醫護之間只能互相支持同安慰,同埋等待疫苗研發成功,先能夠暫停呢場驚世浩劫帶嚟嘅影響!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

意大利全國商店除超市/藥房等必須關閉!醫療用品短缺 醫生面臨救邊個先難題

12 Mar 2020

歐洲疫情爆發嚴重,意大利武漢肺炎嘅確診個案已超過1萬2千人,成全球第2多確診病例國家。

廣告
廣告

意大利總理今星期初就宣布全國「封城」,市民不可離開居住地區。

當地時間星期三,意大利總理Giuseppe Conte宣布防疫措施再升級,全國所有商鋪都須關閉,超市、食店、藥房除外。

當地時間星期三,意大利總理Giuseppe Conte宣布防疫措施再升級,全國所有商鋪都須關閉,超市、食店、藥房除外。
Photo from shutterstock

佢發表電視講話,表示除超級市場、食品店同藥房外,國內所有商店都要關閉,公共交通、物流、食品生產等行業就仍舊運作,維持公眾基本生活所需。

除超級市場、食品店同藥房外,國內所有商店都要關閉,公共交通、物流、食品生產等行業就仍舊運作,維持公眾基本生活所需。
Photo from shutterstock

佢指希望兩星期後可以見到新措施產生效果。

意大利醫療用品不足,政府下令徵集全國各地5萬名專科醫生、10萬名護士、5萬名衛生工作人員。

意大利醫療用品不足,政府下令徵集全國各地5萬名專科醫生、10萬名護士、5萬名衛生工作人員。
Photo from AP

據《POLITICO Europe》報導,重災區Lombardy出現病床、醫療用品短缺情況。

病床同醫療器材不足情況下,醫生要嚴格分配資源,面臨道德難題。佢哋要將少量嘅醫療資源留畀較年輕嘅患者,因為佢哋嘅生存機會最大。而患有其他健康問題或年紀較大嘅病人就相對無咁多資源。
Photo from 美聯社

病床同醫療器材不足情況下,醫生要嚴格分配資源,面臨道德難題。佢哋要將少量嘅醫療資源留畀較年輕嘅患者,因為佢哋嘅生存機會最大。而患有其他健康問題或年紀較大嘅病人就相對無咁多資源。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook