【武漢肺炎】何柏良：香港未來2周或急增600宗確診個案 擔心醫護染病或死亡

新冠肺炎（俗稱武漢肺炎）全球肆虐，多國封城，大批海外港人同留學生返香港避疫。香港大學感染及傳染病中心總監何栢良表示，未來2星期確診人數會飆升，呼籲大家要以「戰時狀態」應對疫情！

何柏良話：由於呢段時間大批市民從歐美疫區返香港，計埋傳播速度，估計未來2星期或會有多達600宗確診個案！呼籲大家要以「戰時狀態」應付疫情，唔能夠鬆懈！同時擔心大量確診個案，醫療系統不勝負荷，增加醫護人員受感染嘅風險，甚至會出現死亡個案！

Photo from Now新聞

Photo from HolidaySmart

佢又指，家居隔離並唔係理想做法，認為要用酒店隔離！同埋唔擔心會令酒店變成源頭，因為隔離人士喺酒店隔離嘅時候，都要長期戴口罩，就算酒店係用中央冷氣都冇問題！

Photo from HolidaySmart

另外，佢亦都提醒大家暫時減少去健身房同酒巴，繼續減少聚餐，可以有助控制疫情！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）