靚相背後殘忍真相？！繩索綁頸再用力向後扯　中國兒童攝影師疑似虐貓

小朋友/動物一直以嚟都係唔少人喜愛嘅攝影主題，但近日喺網上就有一輯小男孩同貓咪互動嘅相引起網友熱議。

依輯喺中國大陸引起大家熱議嘅相，係由一名內地兒童攝影師「樂樂」所發佈嘅最終作品。

Photo from PETA

作品中小男孩和貓親密互動，圖中貓咪「跳」喺半空中疑似想聞小男孩手中嘅花一樣。

但如果仔細睇，就會發現貓咪嘅跳躍姿勢有啲奇怪。

Photo from PETA

之後攝影師再喺其社交平台發佈拍攝花絮，當作「攝影技巧」分享，從而曝光作品背後嘅殘忍真相...

Photo from PETA

花絮相片中，可以睇到貓咪嘅頸部被繩索綁住，而喺跳躍時，就有人拎住綁喺貓咪頸部嘅繩，然後用力向後一扯，貓咪被拋至半空中時拍攝而成。

Photo from PETA

再經過後期PS合成，變成咗最終貓咪喺小男孩面前跳躍嘅畫面。

Photo from PETA

依一輯拍攝花絮很快就引起網友及動保組織嘅關注。

Photo from PETA

PETA亞洲善待動物組織更對此發表了評論：「這些「攝影技巧」令人感到可恥，動物不是供拍照的工具，更何況在小朋友面前虐待動物會造成多大負面影響？ 貓是一種敏感的動物，用繩索綁住脖子并拋至空中會導致嚴重的驚嚇。作為兒童攝影師，應該要為小朋友拍攝美好的回憶，而不是在他面前記錄如何虐待一隻無辜的貓咪，要知道對生命的漠視很可能會影響小孩子的一生。PETA希望該攝影師承諾以後不再使用任何動物作為他的攝影道具。」

不過其攝影師亦發佈道歉聲明澄清，指相中嘅貓係佢哋自己養嘅，拍攝時佢只係將貓拋起，自己並沒有虐待動物。

Photo from PETA

其實影動物相唔係話唔得，不過可唔可以係啲佢哋平時生活自由活動嘅相，而唔係為咗某啲主題而影嘅相呢？

Source：PETA

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）