Marvel DC有望世紀合作？！古天樂期待到連故事都諗埋：雙方角色各自拉攏再組全新陣容

無論係Marvel定DC嘅英雄電影或漫畫一直被受大家歡迎，而早前就有漫畫作家Gail Simone提出兩大漫畫巨頭合作的想法。

日前身為漫畫迷嘅古天樂聽到依個消息後，就喺其微博發文上傳自己攬住公仔嘅相並表示期待：「今天聽到兩大漫畫公司DC和Marvel有機會合作，我和各位漫畫迷都一樣，感到非常期待。」

Photo from 古天樂Weibo

另外，佢又指現時創作界進入非常時期：「漫畫業進入黑暗期，業界為擺脫這個困境，而作出的自救決定，我覺這是坦誠及充滿勇氣的決定，我覺得不單止漫畫界，其實很值得呼籲創作界做更多合作，來携手度過這個非常時期。」

Photo from 古天樂Weibo

而今日佢又再為依件事發文指除咗佢之外，仲有好多漫畫家及編劇家都非常期待，佢哋仲連故事可以點寫都諗埋：「逆向　前天和大家提到兩大漫畫公司的合作，原來很多漫畫家及編劇家都非常期待，甚至已經想出很多有趣的故事，例如雙方的正邪角色各自拉攏，組成全新的陣容去發展，本來正義的變成邪惡，而壞人又可能洗心革面，這樣逆向的設計確實很容易引起讀者的興趣。 ​​​​」

Photo from 古天樂Weibo

雖然DC同Marvel就一直未有回應，但就有網友發現其實佢哋喺漫畫中一早已有合作。如喺1976年中嘅《Superman vs. The Amazing Spider-Man》故事系列中就曾經共同合作過。

另外喺2004年嘅《Justice League/Avengers》故事系列中亦有再次合作。

所以兩間公司合作睇嚟都唔係冇可能㗎！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）