英國發起「為醫護鼓掌行動」女救護員出門上班時獲全街鄰居拍手打氣

新型冠狀肺炎（武漢肺炎）疫情持續，各國嘅確診病例上升，醫護人員紛紛於前線奮鬥。

【武漢肺炎懶人包】：
香港確診人數及家居檢疫名單｜病徵｜潛伏期｜口罩供應｜退機票｜房網退訂｜家居消毒

疫情嚴重嘅英國就發起「為醫護鼓掌（#Clapforcarers）」行動，每晚8點喺家中陽台拍掌以示支持。

連碧咸、威廉王子嘅3個仔女等都有參加。

近日喺論壇有一位母親就表示女兒Tayla Porter都係醫護人員，但因為4點就要返工，所以錯過咗每日嘅鼓掌行動。

估唔到有一日當Tayla出門返工嘅時間，成條街嘅鄰居都特意走出屋外為佢鼓掌。令Tayla都好感動，激動掩面。

仲有鄰居送上朱古力同親手整嘅蛋糕，放喺Tayla嘅車頂。Tayla母親指估唔到成條街，甚至隔離街嘅鄰居都會出嚟支持個女，佢表示平時同鄰居唔太熟，連大家姓名都唔知。

呢段片喺Facebook已有近8萬個like，大家都非常感動！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

悲劇！意大利護士感染病毒擔心傳染他人 選擇了結生命 全國第2宗醫護輕生個案

27 Mar 2020

新型冠狀病毒（武漢肺炎）肆虐，多國確診病例急劇上升。

歐洲方面，意大利係其中一個重災區，總理已宣布全國封城。

【武漢肺炎懶人包】：
香港確診人數及家居檢疫名單｜病徵｜潛伏期｜口罩供應｜退機票｜房網退訂｜家居消毒

綜合外國媒體報導，意大利一名34歲護士Daniela Trezzi於當地「重災區」Lombardy一間醫院嘅深切治療部工作。

Photo from 網上圖片

近日出現病徵後接受病毒核酸檢測，最終結果呈陽性反應，佢由3月10號開始放病假，但期間並無受到任何監察，最後選擇輕生。

Photo from 網上圖片

意大利全國護士聯會發表聲明 指對Daniela Trezzi嘅死訊表達深切悲哀同沮喪。現時仍調查佢嘅死因，不過就指近日嘅疫情令佢承受巨大嘅工作壓力，加上不幸感染病毒，令佢擔心自己會傳染他人。

Photo from AP

聯會又指出，一星期之前威尼斯一名49歲護士疑於等待檢測結果期間不堪壓力而自尋短見，聯會表示：「每個選擇呢個職業嘅人都係為咗做好事，但同時都會遭遇不幸，因為我哋只係護士。」

目前意大利全國已有近6,000名醫護感染病毒，約佔全國感染病例嘅8%。

Photo from shutterstock

希望疫情快啲受控，大家都要健健康康！

資料來源：每日郵報

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）