女醫生超速駕駛被攔　美國警察唔開罰單反贈N95口罩送暖

新冠肺炎疫情持續，各國嘅確診病例不斷上升，全球醫護人員紛紛於前線奮鬥。

早前喺美國就有一位女醫生喺其Facebook分享自己嘅一次暖心經歷。

依位女女醫生Sarosh Ashraf Janjua係一名心臟科醫生，佢指喺上月21日，當時佢喺明尼蘇達州因為超速駕駛被攔下。

Photo from Sarosh Ashraf Janjua/FB

當時警員因睇到佢係來自馬薩諸塞州時，就問佢嚟依度做咩，佢解釋自己係一位醫生，每個月都會開車嚟依度工作。

而警員聽到其解釋之後，就拎住佢嘅執照並告誡：「超速是非常不負責任的，尤其一旦發生事故，不僅會佔用醫療資源，而且你也無法幫助患者」。

Photo from shutterstock

此時Sarosh正以為警員要開告票畀佢時，依位警員唔單止冇咁做，仲畀咗一樣好珍貴嘅嘢佢......

冇錯，就係5個對醫護人員嚟講好珍貴嘅N95口罩，警員指依啲係州政府畀佢哋嘅保護措施，並祝佢好運後便轉身離開。

Photo from Sarosh Ashraf Janjua/FB

Sarosh表示自己因為警員依個微小嘅舉動感動到當場落淚：「我哭了起來，儘管可能只是有冷風，我想他也落淚了，他祝我好運之後離開」。

Sarosh更喺文中坦言，像世界各地嘅醫護人員一樣，佢都害怕喺冇足夠嘅防護設備下工作，又擔心如果染病可以點，但依位素未謀面嘅警員，竟無條件地與佢分享寶貴嘅口罩，有些時候更會比自己站上更前線，但卻主動分享口罩給她。帖文最後，她相信「我們會沒事的」。

Photo from CNN

事件其後亦有被《CNN》報導。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）