馬來西亞僅限「一家之主」出外購物 成班男人於超市中迷路

新型冠狀病毒（即俗稱武漢肺炎）疫情嚴重，多國都推出「隔離令」希望國民留喺家中。

馬來西亞日前推出新防疫規定：只有「一家之主」可以出門購物。

【武漢肺炎懶人包】：
香港確診人數及家居檢疫名單｜病徵｜潛伏期｜口罩供應｜退機票｜房網退訂｜家居消毒

雖然規定只有「一家之主」可以出門，但就無列明「一家之主」係家中邊位成員。

Photo from shutterstock

馬來西亞超市入面就出現一班男人迷路嘅現象，佢哋拎住妻子提供嘅購物清單，喺超市入面選購貨品。

有唔少男士因為分唔清各種蔬菜、水果同肉類等叫苦連天，一頭霧水咁喺超市度行嚟行去，更有網友笑稱：「好似玩緊尋寶遊戲」

Photo from Muzaffar Rahman Facebook

Photo from Muzaffar Rahman Facebook

而政府同超市有見及此，更推出圖卡，等各位男士了解唔同蔬果、肉類嘅名同個樣，希望可以幫到佢哋分清自己要買咩。

Photo from Jabatan Penerangan Negeri Sabah Twitter

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

馬來西亞醫護物資短缺 醫護用垃圾袋當保護衣！無奈嘆：我們別無選擇！

27 Mar 2020

新冠肺炎全球肆虐！多個國家出現爆炸性確診個案，醫療系統面臨崩潰，醫療物資全球短缺，醫護壓力極大！馬來西亞新聞報導指，因為當地嘅醫用裝備嚴重缺乏，前線醫護要用垃圾袋當保護衣！

大馬嘅醫療系統不勝負荷，醫療設備如保護衣（PPE）都出現短缺，當地前線醫護唯有自製防疫保護衣，用日常用品包括垃圾袋、保鮮紙同膠袋代替保護衣，自製過程嘅片段亦喺網上瘋傳！不過，自製嘅裝備防疫性成疑，恐怕前線醫護受感染嘅風險會飆升。

Photo from 網上圖片

根據前線醫護接受大馬媒體《Malay Mail》採訪時無奈嘆：「我哋已經別無選擇」，因為佢哋醫院嘅醫療裝備已經用晒，但係病人不斷入嚟，佢哋只好用日用品嚟代替。

Photo from Malay Mail

「每次治療或者幫肺炎患者進行檢測時，我們都必須著上防護裝備，只係呢個動作需要30分鐘或更長時間。而接觸確診患者後，又要處理呢啲自製防護衣，一日至少要換四/五次，真係太攰～」東馬一間醫院嘅醫生無奈指：「最重要係，我哋知呢種自製嘅裝備唔會有太多防疫保護，但係我哋已經別無選擇。」

Photo from Malay Mail

希望疫情快啲過，唔好有醫護犧牲！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）