香港洲際酒店今個月起大裝修30個月 2022年重開+改名！將遣散所有員工

疫情下遊客大減，旅遊業大受影響，唔少酒店經營遇上困難。

【武漢肺炎懶人包】：
香港確診人數及家居檢疫名單｜病徵｜潛伏期｜口罩供應｜退機票｜房網退訂｜家居消毒

而旅遊業、零售業、酒店業勞工首當其沖，其中本港五星級酒店香港洲際酒店將展開30年嚟最大型裝修工程。

香港洲際酒店將於4月20號關閉，開展為期30個月嘅翻新工程，預計2022年重新開業，屆時重開將改名為「香港麗晶酒店」。

有消息指酒店遣散所有員工，約300名員工會按年資賠償薪金：5年或以下年資賠1個月薪金；5~10年賠2個月薪金；10~15年賠3個月薪金；15年以上賠4個月薪金。

洲際酒店發新聞稿中無提到遣散員工嘅問題，表示酒店裝修工程啟動後，將盡可能安排洲際酒店員工去集團旗下其他酒店工作，待酒店重開時，會優先考慮再次聘請佢哋。

洲際酒店裝修期間，中菜餐廳欣圖軒則會繼續開放。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）