download HolidaySmart 假期日常 app
愛爾蘭總理重出江湖 再披醫生袍將上前線抗疫!

愛爾蘭總理重出江湖 再披醫生袍將上前線抗疫!

時事熱話 生活熱話
By Ivory on 06 Apr 2020
Digital Editor

全球都受新冠肺炎(俗稱武漢肺炎)影響,歐洲國家嘅疫情更係非常嚴峻!繼意大利阿索洛市市長 3月初決定重返醫院深切治療部,愛爾蘭41歲總理瓦拉德卡(Leo Varadkar)亦喺3月重新註冊成為醫生,每星期有一次以醫生身份工作,一齊抗疫!

愛爾蘭總理辦公室發言人日前表示,總理瓦拉德卡早喺3月已經重新註冊成為醫生,並向健康服務管理署(Health Service Executive,HSE)申請返工!而佢依家做嘅post係負責電話評估,睇吓患者嘅情況,每星期當值一次。發言人表示:即使微不足道,但仍希望可以略盡綿力!

TelegraphPhoto from Telegraph

任何可能接觸到病毒嘅人,需要先接受電話評估,率先把關~

The GuardianPhoto from The Guardian

據了解,瓦拉德卡以前做過醫生7年,之後就棄醫從政,2013年從執業醫師名單中除名。佢嚟自醫護家庭,爸爸係醫生,媽媽就係護士,佢嘅另一半、姐妹同姐妹嘅丈夫都係從事醫療保健工作。

4月1愚人節嗰日就有條片喺愛爾蘭瘋傳,影片見到當市民要外出嘅時候,一打開門就會見到愛爾蘭總理瓦拉德卡對住你耍手拎頭,搞笑呼籲大家唔好出街!

但瓦拉德卡就喺自己Twitter到話,片中嗰個絕對唔係佢喎~仲話唔係唔畀大家出門,離開屋企做運動係冇問題嘅(前提係只可以離開屋企2公里範圍~)

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

意大利疫情嚴重!50歲市長投身抗疫前線做護士 曾做過無國界醫生做志願者

03 April 2020

新冠肺炎(武漢肺炎)全球確診人數已超過100萬,意大利有逾10萬人感染,成全球第二多確診國。

感染者中不乏前線醫護於工作期間受到感染,不得不離開前線,接受治療。

感染者中不乏前線醫護於工作期間受到感染,不得不離開前線,接受治療。Photo from shutterstock

面對眾多患者,醫護人員嚴重不足,意大利阿索洛市市長Mauro Migliorini決定投身抗疫前線,去醫院照顧新冠肺炎(武漢肺炎)患者。

面對眾多患者,醫護人員嚴重不足,意大利阿索洛市市長Mauro Migliorini決定投身抗疫前線,去醫院照顧新冠肺炎(武漢肺炎)患者。Photo from Mauro Migliorini Sindaco di Asolo Facebook

Mauro Migliorini之前係護士,曾參與無國界醫生嘅救援工作,去過霍亂疫區。

佢得知醫護人手短缺嘅情況,深思熟慮後作出決定,喺佢重返醫院抗疫嘅期間,將會透過社交媒體指導全市工作。

佢得知醫護人手短缺嘅情況,深思熟慮後作出決定,喺佢重返醫院抗疫嘅期間,將會透過社交媒體指導全市工作。Photo from shutterstock

為安全起見,佢亦同家人、同事商量好,起居飲食都會自己單獨進行。

資料來源:The Washington Post

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel