download HolidaySmart 假期日常 app
蓋世寶陳以誠10年後再合體唱抗疫兒歌 網民:回憶返晒嚟!

蓋世寶陳以誠10年後再合體唱抗疫兒歌 網民:回憶返晒嚟!

時事熱話 生活熱話
By Ivory on 07 Apr 2020
Digital Editor

身為8、90後,對兒歌醫生陳以誠同童顏蓋世寶一定唔會陌生啦~細個放學返到屋企,一開電視就會見到蓋世寶姐姐主持兒童節目,有時都會見到陳以誠醫生喺兒童節目上露面,會同蓋世寶姐姐一齊唱兒歌,又會教小朋友一啲健康小知識!

相隔10年之後,兒歌醫生陳以誠同前兒童節目主持蓋世寶再次合體,將經典作品《超級流感》重新編曲改詞,成為新一代抗疫兒歌《擊退病毒》。

《擊退病毒》Photo from 《擊退病毒》

 

「兒歌醫生」陳以誠多年嚟有多首經典歌,好像係《超級流感》、《八千步》、《滅蟲週記》,當中《超級流感》入面嘅「怎麼可以預防流行性感冒」更喺嗰陣唔少小朋友被洗腦~唔少網民到依家都印象深刻。

《擊退病毒》Photo from TVB

喺2003年SARS爆發嘅時候,陳以誠都創作咗首《眾志成城抗肺炎》,歌詞中嘅:「我怕已中招驚發燒,又心跳驚恐感染,身處惡夢,盼快夢醒」,依家聽返一樣咁有共鳴。

《擊退病毒》Photo from 《擊退病毒》

而久未開金口嘅陳以誠醫生再次出山!以《擊退病毒》教人抗疫:「怎麼可以預防新冠狀病毒?怎麼可以不怕碰到病魔?小心自摸,廁所要冚蓋,梘液廿秒洗手重要。」

《擊退病毒》Photo from 《擊退病毒》

網民見到久違嘅陳醫生都留言指好想念,又稱:「嘩!好耐無聽過呢種咁Hk style嘅兒歌,係回憶!係愛啊!」;「冇咗鬍鬚嘅陳醫生,感覺唔似佢!但把聲仲Keep到,掂!」;「當年首非典型肺炎仲歷歷在目?」,仲大讚蓋世寶唔識老添~

《擊退病毒》Photo from 《擊退病毒》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel