英國小姐冠軍棄后冠 返回醫護前線救人！

新冠肺炎（武漢肺炎）疫情嚴峻，多國蔓延，導致全球醫療系統面臨大崩潰！醫護人手不足，甚至要犧牲老弱患者！2019年英國小姐冠軍Bhasha Mukherjee（只得24歲）有見及此，決定放低后冠，再著返醫生袍！佢原本喺海外進行慈善活動，依家已經飛返英國，準備重投醫院前線工作！

Photo from BBC

未選英國小姐之前，佢喺英國一間醫院做呼吸道內科醫生。佢最近喺前同事口中知道，疫情蔓延嘅速度太快，確診同死亡人數飆升，醫院人手極為緊拙，急需大量醫護人員！

佢話：「呢個就係促使我要返醫院個主因，我聽講佢哋都要不停輪班，而且輪班時數非常長，正承擔緊我們以前冇嘅職責，所以我想返屋企，我想立即返去返工」。佢認為，慈善活動隨時都可以pick up 返，但抗疫一事，刻不容緩！佢都擔心會受感染，但唯有做足防護措施，希望可以以自己一技之長，回饋社會！

Photo from IG@bhasha05

Mukherjee又話，「做英國小姐冇嘢比咁樣（抗疫）服務國家更有代表性！」呢位英國小姐冠軍Bhasha Mukherjee簡直係美貌、智慧、善心兼備！

Photo from IG@bhasha05

我見到天使嘅光環啊！

資料來源：BBC

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）