24款消毒酒精測試　消委會：6款驗出甲醇長期使用可慢性中毒

新冠肺炎（武漢肺炎）全球肆虐，除咗口罩、手套等之外，消毒酒精更係大家日常必需品之一。

消費者委員會早前就分別喺香港各區購買24款消毒酒精樣本，售價由9港元至98港元，相差高達12倍。

Photo from 消費者委員會

而依24款消毒酒精喺測試中，當中有6款驗出含微量有毒甲醇，有可能構成慢性中毒。

Photo from 消費者委員會

最高一款驗出含量達0.0336%，當中最貴嘅樣本「Toppa」就驗出0.0292%甲醇。

Photo from HolidaySmart

雖然世衛嘅標準，6款檢出含甲醇嘅樣本都唔會引發急性中毒，但因為產品嘅標示用途係消毒，所以大家喺洗傷口過程中，酒精就會有機會直接進入血液或從皮膚、呼吸攝入，長期使用有可能構成慢性中毒或引致失明、腎衰竭等健康問題。

Photo from 消費者委員會

另外，消委會亦發現，大部分樣本嘅濃度或容量低於標示，最高相差逾20%。

22款標示酒精含量為75%嘅樣本，16款乙醇及異丙醇含量不足，當中3款嘅實際酒精含量更少於70%。

另外2款標示為70%及95%酒精樣本，實際乙醇含量亦僅得65.7%及89.3%。

Photo from 消費者委員會

而喺有標示產品淨容量嘅樣本中，測試就發現有16款產品實際淨容量低於標示，當中有3款嘅實際淨容量和標示相差達10%以上，差距最大嘅樣本，只有標示淨容量嘅78.8%。

最後消委會提醒，喺疫情下市民經常利用消毒酒精自製搓手液，或用作日常家居清潔，攝入份量會有所提升，呼籲大眾不要掉以輕心。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）