【動物之森素材島】20種外島形狀！邊種島可自製狼蛛島？捉狼蛛免被咬方法
玩《動物森友會》/《動物之森》，玩家除咗可以創建自己嘅無人島之外，仲可以去素材島，帶走所需嘅資源。
不過素材島有好多唔同種類，有網友就整合咗20種素材島/資源島類型，方便大家刷出自己想要嘅素材，小編更為大寫整合咗邊個島可以自製狼蛛島。大家不防Bookmark呢篇文，下次去外島就可以知道自己去咗邊個島，拎晒最正嘅資源，不竟去一次外島都要花上2000里數呢！
由於去嘅素材島係隨機，唔知會有咩材料出現，所以建議大家最好帶埋6種工具前往：斧頭、鏟、釣竿、捕蟲網、撐桿跳竿、梯。
1. 普通島1（可改為狼蛛島及鱘魚島）
出現機率高，有兩層及一條河流及瀑布，出現嘅水果、花、蟲、石、魚都係最普通。但可以變種鱘魚島，出海口在右邊，沒有池塘的可作鱘魚島，把二層的魚和瀑布下面的魚趕走，出海口必出鱘魚！
2. 普通島2（可改為狼蛛島）
出現機率高，有兩層及一條河流及瀑布，出現嘅水果、花、蟲、石、魚都係最普通。但可改為狼蛛島。
3. 螺旋島（可改造狼蛛島）
雖然結構獨特，不過資源同普通島差唔多，無咩特別。不過可以改造成狼蛛島。
4.池塘島（可改造狼蛛島）
兩層島，沒有河流，只有一個大池塘，池塘會出錦鯉和金魚。季節限定期間可在17:00後會刷出大藍閃蝶。落雪、落雨唔會出現。
5. 山島（不可改造狼蛛島）
三層島，全島無河流、池糖。第2層有果樹，最頂層有5舊石，可以敲出蜈蚣。不可改造為狼蛛島。
山島／三層島，不能改造成狼蛛島
6. 金錢島 1 （不可改造狼蛛島）
金錢島 1 為單層島，被水域環繞，中間一個小島，上面有5舊石，可以敲碎北面一個石頭，用撐桿跳過去。小島嘅石頭會敲出鈴錢。不可改造成狼蛛島。
金錢島1，不能改造成狼蛛島。
7. 金錢島 2（可改造蝎子島）
島上有四個三角形懸崖，位於島上4個角落，島上滿佈鮮花，地面上7舊石頭岩石可敲出鈴錢。 晚上可刷蝎子。
8. 竹島（可自製狼蛛島）
單層島，島上除只有竹子同椰樹，可掘出春筍。係改造成狼蛛島嘅好選擇。
9. 水果島（可自製狼蛛島）
約有19棵非本地出產果樹，可以喺度刷同自己個島唔同嘅水果。不過每個人只可刷出一種非本地產，其它要交換先有，可以改造成狼蛛島。
10. 花島（可自製狼蛛島）
單層島，中間有一個大池塘，池塘四周種滿特殊顏色花朵。
11. 蠍子島/狼蛛島
單層島，中心島上有一條細小河流環繞，唔洗用撐桿跳都跳得過。只在19:00~04:00出現。根據當時活躍嘅昆蟲種類，島上會刷新狼蛛或蠍子。
12. 樹島 1 （可改造成狼珠島）
全島無河流或池塘，與竹子島地形相同，分別是沒有竹, 有大量樹木同椰子樹。較容易捉跟樹和花有關的蟲，可改造狼蛛島。
13. 樹島 2（不可改造狼蛛島）
全島無河流或池塘，有兩處兩層高地及三層高地，有大量樹木同椰子樹。較容易捉跟樹和花有關的蟲，不可改造狼蛛島。
14. 大魚島 1 （不可改造成狼珠島）
三層島，全島水中只有大魚或特大魚身影，仲可以刷到特殊顏色花朵。
15. 大魚島2 （可改造成狼珠島）
全島水中只有大魚或特大魚身影，但就無特殊顏色花。
16. 垃圾島（可改造成狼珠島）
雙層島，可以釣到嘅都係垃圾，但水中會有田鱉。
17. 鯊魚島
水中嘅魚全部都有魚鰭，包括：鯊魚、翻車魚、吸盤魚。季節限定，即該島出現必須符合至少一種魚是當季有，才能出現。河流不會刷魚，用魚餌也不會有魚出現。
18. 瀑布島（不可改造為狼珠島）
三層島，全島得一個出海口，容易喺入海口釣到鱘魚。
19. 蠍子金礦島 （可改造為蠍子島）
單層島，有一片水域環繞住一個小島。小島上有一塊可敲出金礦嘅石頭。只有蠍子活躍時期出現，島上會不停刷出蠍子。
20.高地彎河島（可改造為狼珠島）
兩層島，多針葉樹，可改造為狼珠島。特定月份(南半球12月～3月，北半球6月～9月)期間晚上在高地可釣到遠東哲羅魚。
想知素材島詳情可參考網友整合資料：Twitter @_Ninji
去素材島當然唔少得要自製狼蛛島啦！但狼蛛好有攻擊性，小編教大家幾個方法可以避免被咬～
1. 掘洞
喺地下掘幾個洞，形成「H」形狀，當狼蛛跑過嚟就引佢入去，自己跳去對面。隔住個洞，狼蛛咬你唔到～
2. 慢慢接近
撳住A掣接近狼蛛，佢一抬起前腳就停低，等佢放低先再接近，去到適當距離就可以捉到。不過呢個方法有啲慢，需要耐心。
3. 睇準時機
直接接近狼蛛，當佢一跳起就撳A捉住佢。好似好易咁，需要一定嘅熟練程度先掌握到呢個技術。
4. 回頭捉
接近狼蛛時，佢會追住你，只要跑直線就會拉開距離，當狼蛛被你甩開到螢幕邊，只要U turn撳A就可以捉到佢～小心唔好直接轉頭，會剎車畀狼蛛追到。
圖片及資料來源：Twitter @_Ninji、Animal Crossing Wiki
延伸閱讀：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
