步行2日再渡海！泰男被困馬來西亞心急返國險死

新冠肺炎全球肆虐，各國減低國民感染風險，紛紛收緊出入境政策。

早前泰國及馬來西亞都分別「封閉邊境」，一名滯留馬來西亞嘅泰國漁民因而滯留。

據《泰國日報》報導，泰國沙敦府警察日前就接獲漁民報告，指喺海面發現一名男子於海中漂浮，並即時將對方救起。

Photo from 泰國日報

經調查該名被救起嘅男子Ratanapol Pan-un係泰國南部沙敦人，佢喺馬來西亞嘅漁船工作，但因為受到馬來西亞及泰國兩地封關嘅影響，令佢無法回國。

不過歸心似箭嘅佢因想念家人，故自己想出偷渡回國嘅辦法。

Photo from 泰國日報

當時佢只帶咗一支水同一個餐盒，佢同咗兩日時間行到馬國邊境後，再發現一條闊約100米嘅運河，但下水後才發現水流極大，被衝出大海。

Ratanapol Pan-un被救起時已筋疲力盡，並送往醫院檢查，證實身體狀況良好，沒有新冠肺炎病徵，不過仍需接受14日隔離檢疫。

Photo from 泰國日報

當地警察指雖然佢「成功」回國，但此「偷渡」行為屬非法入境，最終罰款800泰銖（約190港元）。

另外，警方更補充其實邊境已喺18日重新開放，Ratanapol Pan-un根本毋須冒險。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）