印度肺炎疫情下封城 恆河水質有改善 甚至可直接飲用！

新型冠狀肺炎（武漢肺炎）疫情持續幾個月，各國都宣布封關，令國內環境得到改善！

好似意大利威尼斯河變清、印度霧霾改善、28萬隻海龜上沙灘產卵等。

【武漢肺炎懶人包】：
香港確診人數及家居檢疫名單｜病徵｜潛伏期｜口罩供應｜退機票｜房網退訂｜家居消毒

印度水質污染非常嚴重，當地嘅恆河（Ganga River），獲印度人視為聖河，有好多人喺度沖涼、洗衫等。

Photo from shutterstock

餐廳、工廠嘅污水亦會直接排入恆河，令河水污染嚴重，印度中央污染控制委員會（CPCB）喺舊年5月指出，恆河含大量大腸桿菌群等微生物，超出標準幾十倍。其中一段恆河河段，大腸桿菌含量甚至超出標達80倍！

Photo from shutterstock

當局警告恆河水絕對唔適合直接飲用，北方邦污染管理局（UPPCB）亦提醒民眾，恆河水就算用嚟沖澡都會有染病風險。

Photo from shutterstock

不過當疫情蔓延全球後，印度宣布全國封鎖，恆河兩岸嘅工廠幾乎全部停工。

工廠、餐廳排出嘅污染物減少5倍，令恆河水質得到改善。古魯庫爾康格里大學（Gurukul Kangri University）前教授兼環境科學家BD Joshi表示，恆河水質比過去改善咗40%～50%，變得非常乾淨，甚至可以直接飲用。

Photo from shutterstock

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）