搶救一天終告無效！公廁拯救遭遺棄重病狗仔　梁祖堯深夜Po長文怒轟棄養者

近年愈來愈多人都支持「領養不棄養」，不過仍有唔少自私嘅人會拋棄動物。

今晨舞台劇演員梁祖堯就喺Facebook發長文怒轟一段貴婦狗遭拋棄於公廁嘅悲慘事件。

佢喺文中指周六（18/4）早上就喺一個元朗group中得知元朗某公廁有一隻黑色貴婦狗連同寵物袋被人遺棄，奄奄一息，連站起來嘅力氣都冇。

Photo from 梁祖堯

梁祖堯即駕車前往，推算狗仔只有兩、三個月大，估計係患有狗瘟或感染腸病毒，用針筒畀佢餵咗一啲蜜糖水，亦全部嘔吐出來。

佢後嚟搵到一間位於西環嘅動物診所，經快速測試後發現狗仔體內腸病毒濃度很高，而且體溫過低、脫水、大便有血及有惡臭等，情況不樂觀，但醫生指「這個小女孩（狗仔）求生意志很強，心跳還是很有力」，更為狗仔取名「Pepe」，希望狗仔有二百萬人嘅祝福。

Photo from 梁祖堯

梁祖堯更指，腸病毒病發時會令狗仔帶嚟極大痛楚，更會痛得不停尖叫。

可惜經過一眾好心人盡力搶救後，狗仔最終喺翌日早上證實不治。

Photo from 梁祖堯

梁祖堯亦文中怒轟：「世界上有人竟然冷血到，可以把這個病重的小朋友（狗仔），放在公廁等死」。

Photo from 梁祖堯

最後不忘感謝診所醫護盡力搶救：「你們體現了，就算失望也不可以絕望。」並感謝當初救狗仔回來嘅女士，和發現狗仔嘅清潔工人：「那位女士，善良地要求和我分擔一半的醫藥費，我婉拒了。」

他同時呼籲市民領養不棄養。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）