【動物森友會】免費更新！前作NPC登場+4大季節性活動！

復活節後，《動物森友會》又有新活動！任天堂官網宣布4月23日開始將發布免費嘅更新資料！

新NPC登場

然然的園藝店

樹懶「然然」會嚟到你嘅無人島廣場售賣商品。

然然喺前作都有出現過，係一位園丁。佢會喺廣場上開設園藝店，除了可以買到喺Nook商店中無嘅花種子之外，仲可以買到「杜鵑花」同「繡球花」等灌木樹苗。

「灌木」係根據季節而開花嘅矮樹。活用島上的地形，喺島上沿住道路種植，或者喺屋企四周佈置。種植各種灌木，令你嘅無人島更靚～

九尾市場

畫廊商人「狐利」都會喺新作再次登場！佢嘅船會停泊喺無人島海邊。

船上有家具、繪畫、雕塑等各式各樣「藝術品」出售。但定價唔平，當中更含真品同假貨，需要玩家辨別。

據講提升家中風水會影響藝術品中真品出現率！

延伸閱讀：【動物森友會】風水佈置攻略！傢具擺放教學 可提高房間評分！

真嘅藝術品可以轉贈博物館，喺新開設嘅藝術品展覽室中展出。

4大季節性活動

4月23日～5月4日：地球日

「地球日」以關注自然環境而命名。

參與同植物有關嘅活動，可以更容易儲得里數。

5月1日～5月7日：勞動節

「勞動節」期間，為咗島上建設而努力工作嘅居民，狸克將每日送贈「勞動節旅行券」以表謝意。

用呢張機票出發去嘅外島，同用一般「哩數旅行券」去嘅島嶼有所不同，係一個不可思議嘅島，仲有可能會遇到從未遇過嘅陌生人。

5月18日～5月31日：國際博物館日

「國際博物館日」以博物館嘅記念日而命名，無人島嘅博物館將舉辦「蓋章拉力賽」。

參觀昆蟲、魚、化石展覽嘅同時收集蓋章，可以獲得紀念品。

6月1日～6月30日：六月新娘

NPC「莉詠」同「健兆」夫婦打算喺6月結婚。為咗拍攝結婚照片而嚟到巴獵嘅攝影棚。

請玩家幫手佈置攝影棚同影相，為二人締造美好回憶。作為謝禮，佢哋會贈送婚宴嘅主題道具。

新增用哩數交換嘅新物品

「狸端機」用哩數交換嘅物品，將增加西施惠、豆狸、粒狸所穿著嘅夏威夷襯衫！

新活動好豐富！期待！

圖片及資料來源：Nintendo

延伸閱讀：

【動物森友會】大頭菜賺錢必學公式！輕鬆預測大頭菜最高價格

【動物森友會】18種素材島類型！最高效率刷素材！捉狼蛛免被咬方法教學

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）