疫情下行山友激增！網友拍攝「清潔工孭垃圾袋落山背影」感心酸

喺新冠肺炎疫情之外，大家呢邊廂減少社交活動，但另一邊廂為咗解悶，好多人會選擇到郊區行山消遣，令到成座山都係人不在話下，但時常提大家去遠足，記緊要帶走自己帶來嘅垃圾。不過最近有山友出post，兩張相見到一位年紀老邁嘅清潔工，背著一大袋垃圾由山上運作，呢個背景令好多網民心酸。

日前有位A Ngau Ng網友喺香港行山遠足之友（吹水山谷）facebook群組內，分享了兩張感人相片，影到一位清潔工背著一大袋黑色垃圾膠袋，裡面看似載到滿滿嘅垃圾，網友話見到清潔工連路都行得不太穩，仲要幫大家帶走各位山友喺山上留下來嘅垃圾，睇到心酸！

帖文刊登幾日就吸引到近200個留言，大部份網友都表示近年都不斷教育各位山友，山上面雖然有垃圾桶，但清潔次數一定不及市區街道咁多，所以山上垃圾桶好容易會積聚過多垃圾，因此提倡大家「自己垃圾自己帶走」，除咗可以幫到清潔嘅朋友之外，減少留喺山上垃圾更可以避免野生動物搵野食撕爛垃圾袋，從而污染環境，所以各位山友記得記得記得......要帶走自己帶來的垃圾，唔該！

另一個引爆的問題，是網友相信呢位清潔工係有仔女要照顧，否則點會喺腳又唔好嘅情況下，接受呢份工作，反映時下香港貧富懸殊嘅悲況，勸各位為人子女要好好關心同孝順父母。有網友亦希望政府會睇得到社會狀況，協助弱勢社群。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）