《誰是被害者》成Netflix大熱神劇！台版法證先鋒好評不絕 溶屍案真有其事

最近Netflix有好多新劇播出，留喺屋企抗疫都唔怕悶！今次講嘅係4月30日播映嘅台灣犯罪懸疑劇集《誰是被害者》，同香港嘅《法證先鋒》有啲似！

Photo from 《誰是被害者》

張孝全喺劇中飾演患有亞斯伯格症狀（自閉症）法醫方毅任，唔會相信任何人，只相信自己！佢唔擅長同人有情感交流，但分析證物好有一手！就喺佢調查緊一宗撲朔迷離嘅恐怖連環殺人案時，發現兇手極可能就係同自己失聯多年嘅女兒江曉孟（李沐飾）有關。為咗可以私底下查明真相，不惜隱瞞警方，決定偷偷收埋證物，仲同為咗攞到獨家報導不擇手段嘅記者徐海茵（許瑋甯飾）合作，希望可以搶先搵到個女，同時避免命案發生。一共有8集，每集劇情都好緊湊，而且推理環節一環扣一環，令觀眾忍唔住要追睇落去！

Photo from 《誰是被害者》

Photo from 《誰是被害者》

當中嘅溶屍案更係改編當年轟動全台灣嘅「王水溶屍案」，畫面做到超迫真，許瑋甯都話拍攝時間見到「溶屍」想嘔，太血腥、太恐怖了！

Photo from 《誰是被害者》

台灣喺1998年3月發生咗一件「清大王水情殺案」，牽涉一段四角戀，一對好友因愛上同一個人而反目。喺爭吵期間，兇手重擊死者至昏迷，然後用化學品令其窒息致死！為咗掩人耳目、擾亂警方視線，插贓嫁禍畀個男仔，就將死者溶屍！搵返嘅時候，五官已經又腫又爛，好難辨認身分！

Photo from 《誰是被害者》

除咗劇情緊湊、畫面迫真之外，佢帶出嘅訊息亦非常有意義！

Photo from 《誰是被害者》

呢套劇同《我們與惡的距離》一樣，存在記者嘅角色，同樣令人反思記者、媒體喺社會上嘅角色同道德觀！同時，亦揭示現實社會嘅醜陋，性別歧視、官商勾結等根深蒂固嘅問題！

Photo from 《誰是被害者》

另外，觀眾應反省點解社會上存在住咁多悲劇人物，究竟邊個製造出嚟？係咪犯過錯，就不值得被原諒？事出必有因，我哋都應該避免做「旁觀者」！

Photo from 《誰是被害者》

《誰是被害者》上架2日，即登台灣觀影排行榜冠軍，香港Netflix第4位，有台灣神劇之一嘅稱譽！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）