蠟筆小新原來已經30幾歲?! 7款小新、小白、妮妮可愛限定服飾

時常以5歲形象見大家嘅蠟筆小新-野原新之助，數數吓原來今年係佢面世30周年。無錯，如果以當年5歲出道嘅小新來計算，今年佢應該已經35歲喇，仲扮細路！講笑啫！有品牌為慶祝佢面世30周年，推出多款小新造型服飾產品，Fans值得睇睇！

喺90年開始於日本漫畫連載嘅《蠟筆小新》，大家最鍾意佢生鬼可愛、說話加少少「甜」，仲有佢嘅知己「小白」，風靡不少老中青朋友。品牌STAYREAL襯30周年紀念推出多款特別嘅衫、褲、袋款，有好幾款嘅設計真心覺得抵死好笑，一齊睇下。

1）小新搖屁屁T $399件

蠟筆小新最經典嘅場口，就係成日除自己條褲，然後跳個Pat Pat舞。今次30周年Design當然唔會遺漏呢個場面，小新個屁屁就設計喺件衫嘅後面，粉絲可以買件親身跳一次pat pat舞。

2) 動感超人斜孭錢包 $199

孭呢個袋出街雖然要好大勇氣，不過真係好貼切地將小新平時愛玩愛咸濕嘅神緒發揮得淋漓盡致。一個純白色嘅小銀包，透過車線製造底褲仔嘅效果，正前方有一個動感超人嘅圖案，而·後面就有一個卡片套位置，讓用家可以放例如八達通、員工證等，時常需要用嘅卡片。

3) 小白錢包 $199

如果大家覺得動感超人底褲錢包太誇張，不如睇吓呢個無咁出位嘅小白錢包，不誇張得來又不失可愛造型。

4）小新表情眼罩 $179

平時怕有少少光都瞓唔著嘅朋友，如果想買個眼罩的話，今次有個小新表情眼罩俾你揀，一共有兩款，一個係驚青小新、另一個係迷惑小新，戴上頭相當好笑，女士不妨買俾男朋友戴。

5）小新內褲 $199

同樣都係小新內褲，不過重點唔係呢兩條底褲，而係載著呢兩條褲嘅盒，係小新喺漫畫入面最愛食嘅朱古力餅包裝，所以呢個套裝連包裝都好正！

6) 蠟筆小新漁夫帽 $399

作為一個幼稚園學生，無番頂漁夫帽點似相。今次30周年新品有小新、小白同妮妮3款漁夫帽，小編覺得小白嗰一頂最型！

7）小白連帽披巾 $359

小白喺蠟筆小新最可愛一幕，莫過於時常「撻」喺小新身上，感覺好軟綿綿。而呢條披巾就有呢種感覺，頂帽仲係小白個樣，非常可愛。

STAYREAL網店：https://hkmall.istayreal.com/

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）