download HolidaySmart 假期日常 app
香港海域發現世界上最大體形海龜屍體 屬香港罕見品種!

香港海域發現世界上最大體形海龜屍體 屬香港罕見品種!

時事熱話 生活熱話
By Ivory on 08 May 2020
Digital Editor

有市民上星期六喺西貢海域發現巨型海龜屍體,香港城市大學傳染病及公共衞生學系及海洋污染國家重點實驗室旗下嘅研究組織「海洋動物影像解剖研究組」就表示原來呢隻咁巨型嘅海龜屍體,係現存嘅7種海龜中體形最大嘅棱皮龜,又叫做革龜!佢哋背甲同其他海龜有明顯分別,非常特別~佢哋屬於香港罕見嘅物種,同時亦係被列為「易危物種」!

FB@「海洋動物影像解剖研究組」Photo from FB@「海洋動物影像解剖研究組」

FB@「海洋動物影像解剖研究組」Photo from FB@「海洋動物影像解剖研究組」

 

FB@「海洋動物影像解剖研究組」Photo from FB@「海洋動物影像解剖研究組」

從「海洋動物影像解剖研究組」片段可見,呢隻棱皮龜相當有份量,要動用3位壯男先搬到佢上岸~

「研究組」指,由於隻海龜被發現時已經腐爛,難以分辨佢係男定女,不過就可以從身體長度(137cm)估計佢係未成年!因為成年嘅棱皮龜會有3米長!

FB@「海洋動物影像解剖研究組」Photo from FB@「海洋動物影像解剖研究組」

根據漁護署紀錄,過去廿年,只錄得兩宗棱皮龜屍體發現個案,對上一次發現係2018年。

研究人員就從甲殼入手分辨~棱皮龜嘅甲殼大又軟,同一般龜殼唔同,甚至可以屈曲!從而適應潛入深海時所造成嘅壓力,棱皮龜可以喺深至一千米嘅海域活動,而佢嘅甲殼有七條明顯脊狀嘅紋路。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel