日本無印良品推出「蟋蟀仙貝」 食昆蟲拯救地球！官方指味道同蝦差唔多

日本無印良品最近推出一款食品引起網民嘅熱議。

日本Muji官網發佈即將會推出新零食—「蟋蟀仙貝」（コオロギせんべい）！

Photo from 無印良品

為應對世界糧食危機，昆蟲食品開始受到重視。聯合國糧食及農業組織都建議開發昆蟲食品，因為昆蟲有好高嘅營養價值而且對環境影響較低。

由於昆蟲生長所產生嘅溫室氣體排放量以及所需要嘅水同食物都比普通牲畜要少得多，所以有「食昆蟲拯救地球」呢個說法。

Photo from shutterstock

而無印良品同德島大學共同研發「蟋蟀仙貝」並正式推出市場！

Photo from shutterstock

根據無印良品官網，蟋蟀喺衛生安全嘅環境中飼養，然後磨成粉末製成米餅，仲話有蝦嘅鹹香味。

蟋蟀仙貝5月20日喺線上商店開始預購，未來日本國內部份實體店都會有得賣，但未知海外分店會唔會開賣。

Photo from 無印良品

蟋蟀仙貝

售價：190円

開售日期：5月20日線上商店開始預購

以後去日本又多一樣手信～

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）