貓奴必試荀工！月薪過萬　台灣設計公司聘設計助理工作條件包括「玩貓」

近年，外國唔少公司都會容許員工帶寵物上班，幫助員工減壓，促進員工互動，建立團隊精神。

早前，有台灣網友就喺人力資源網站上發現一家設計公司出post請人，而喺工作內容一欄中有一項係各位貓奴每日都想要做嘅事！

依間設計公司喺招聘廣告中指公司正招募助理設計師、室內設計師、助理工務工程師等職位，工作內容繪製平面系統圖及施工圖、製作簡報、輔助設計師行政事務之外，更特別加入「玩貓」一項。

Photo from 104人力銀行

而且係5天工作制，薪金介乎3.2萬至4.5萬元台幣。

Photo from 104人力銀行

招聘廣告一出，隨即引來唔少貓奴網民熱討，紛紛表示想應徵工作。

更有現職員工表示工作隨咗可以「玩貓」之外，如果你本身家中都有養貓，你仲可以帶埋自己嘅「主子」返工，而貓咪的飲食和醫藥費更是由公司負責。

Photo from shutterstock

另外，依間公司喺見工面試時，為你面試嘅面試官正正就喺公司嘅貓咪們，該員工指貓咪性格十分兇惡，如果貓咪願意畀你反覆搓揉牠嘅身體，就表示你已經成功被錄取喇～

Photo from shutterstock

唔知各位貓奴們有冇興趣去試吓！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）