澳洲維珍空姐疫情下失業 毅然脫掉高跟鞋轉行做「礦工」！

新冠肺炎（武漢肺炎）導致各國封關，航空業大受影響！澳洲維珍4月尾宣布破產，有近8,000名員工面臨失業！有位失業空姐則選擇轉行做「礦工」！

Photo from shutterstock

空姐同礦工係2個「大纜都扯唔埋」嘅工種。空姐形象較女性化，而礦工則較男性化～原本喺澳洲維珍做空姐嘅Sarah-Rose Sharp最近做咗「失業大軍」，毅然脫掉高踭鞋，換上安全鞋，做「礦工」！

Photo from Daily Mail

當地嘅礦產業未有受疫情影響，全球最大礦業公司BHP開放咗1,500個為期6個月短期合約嘅工作名額，紓緩失業潮！目前已經請咗1,100名額外嘅員工，包括：貿易助理、鍋爐製造工、機器操作員、司機同清潔工等。當中請咗45名空姐負責每日檢測礦場內工人嘅健康狀況，Sarah-Rose Sharp就係其中一個。

Photo from Facebook@Sarah-Rose Sharp

佢話：「做空姐一直係我嘅夢想，今次我哋真係一日內由高踭鞋換咗安全鞋」。佢認為新工作同做空姐都一樣，每日需要同大量嘅人打交道，「開正佢哋嗰範」～「呢個已經係我們第二個天性，佢哋會請我空中服務員，就係因為知道我哋可以勝任」！

Photo from Daily Mail

不過佢都話希望有日可以再返上飛機工作！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）