download HolidaySmart 假期日常 app
大阪旅遊業受疫情影響 道頓堀連鎖藥妝店不敵貴租宣告結業

大阪旅遊業受疫情影響 道頓堀連鎖藥妝店不敵貴租宣告結業

旅遊攻略 旅遊新聞
By Jennifer on 19 May 2020
Digital Editor

新冠肺炎(武漢肺炎)疫情衝擊全球經濟,多國宣布「封國」,旅遊業大受打擊。

日本連鎖酒店WBF早前宣佈結業,大阪道頓堀昔日係遊客嘅購物、飲食天堂,如今疫情之下人流大減。

大阪道頓堀昔日係遊客嘅購物、飲食天堂Photo from PressLogic

去大阪,唔少旅客都會喺心齋橋嘅藥妝店掃貨,購買藥品、化妝品等,而心齋橋藥妝店林立,每間藥妝店人頭湧湧。

不過疫情後旅客人數大跌,尤其係道頓堀、心齋橋,藥妝店門面變得沉寂。

疫情後旅客人數大跌Photo from PressLogic

其中連鎖藥妝店「大國藥妝」道頓堀中央店於5月7日已正式結業,負責人指店舖客源大減,加上道頓堀地段嘅舖租昂貴,無奈下唯有結業。

連鎖藥妝店「大國藥妝」道頓堀中央店於5月7日已正式結業Photo from ABCニュース

店舖客源大減,加上道頓堀地段嘅舖租昂貴Photo from ABCニュース

另外一間連鎖藥妝店「鶴羽藥妝」道頓堀中央店亦已經喺5月15日結業。

連鎖藥妝店「鶴羽藥妝」道頓堀中央店亦已經喺5月15日結業Photo from ABCニュース

資料來源:ABCニュース

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel