download HolidaySmart 假期日常 app
美國哈佛麻省理工合作研發「螢光口罩」遇病毒口水會變螢光!

美國哈佛麻省理工合作研發「螢光口罩」遇病毒口水會變螢光!

時事熱話 生活熱話
By Ivory on 19 May 2020
Digital Editor

新冠肺炎(武漢肺炎)疫情有緩和跡象,不過呢個病毒始終太狡猾,存在但可以完全冇病徵!最近美國哈佛大學同麻省理工大學聯手研究一款遇病毒口水即變色嘅「螢光口罩」。

美國哈佛大學與麻省理工大學合作研發「螢光口罩」Photo from 路透社

根據美國新聞網Business Insider報導,由麻省理工學院生物工程教授James J. Collins帶領嘅研究團隊,2014年已經開始研究可以測試病毒嘅口罩,相關技術暫時可以檢測出沙士、麻疹、流感等病毒,曾開發寨卡病毒嘅版本!

美國哈佛大學與麻省理工大學合作研發「螢光口罩」Photo from shutterstock

報導指,研究團隊將病毒檢測器安裝喺口罩入面,當戴上口罩嘅人咳嗽、打噴嚏甚至呼吸嘅時候,如果被驗出有新冠病毒,口罩感應器會喺3小時內由黃色轉紫色螢光燈訊號以作警示!

口罩遇病毒口水會變色Photo from shutterstock

Jim話,如果成功研發,呢項技術可以廣泛應用,尤其係邊境檢疫或公共運輸系統嘅檢測上,「佢可以用喺機場關口或飛機上,我哋亦可以返工/放工途中用得上佢!醫院可以透過呢個技術篩查所有進出醫院嘅人~!」

遇病毒口水即變色的技術可應用於飛機上Photo from shutterstock

佢哋目標喺今年夏季研究成功並正式生產予公眾使用!有咗呢款「螢光口罩」,就可以加快檢疫速度,堵截漏網之魚,同時可以減輕醫療系統負擔,醫生可以即時知道患者有冇感染到新冠病毒,唔使花時間採樣本化驗同等結果!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel