台灣獲獎設計「壁咚調味罐」Twitter瘋傳！網民：嬌羞得心臟狂跳！

最近有位日本網民喺Twitter上載張「壁咚調味罐」嘅Product相，意外引起一輪網上熱議，短短幾日就有10幾萬人轉發！

Photo from 陶博館官網

Photo from Twitter@Hakusi_Katei

有網民更更分享呢組調味罐嘅多角度相片！從相入面見到，被壁咚嗰位個表情做得非常到位，雙手捂住嘴，雙眼放大，表現驚訝同嬌羞；而將人迫埋牆嘅嗰位，動作非常Man， 非常搞笑！

Photo from Twitter

Photo from Twitter

呢個調味罐可以裝黑胡椒/胡椒粉/鹽，用佢嘅時候，調味料會從佢嘅眼口灑出，好好笑但有少少恐怖～

原來呢個令人有初戀心跳感覺個調味罐係台灣設計，原創設計師介紹指：「主要出現喺少女漫畫同動畫，仲有偶像劇等情節入面，男方將女方逼向牆壁嘅同時，以手拍擊牆面圍住女性並發出「咚」嘅聲音。由於可使女方瞬間產生臉紅心跳嘅戀愛感而大受依家年輕族群歡迎。 壁咚調味罐組取其意象，使用時完畢時將調味罐歸位嘅嗰一刻，令人嚮往嘅"壁咚"即呈現喺使用者面前。」

Photo from Twitter@Hakusi_Katei

呢個咁出色嘅作品仲曾經獲得鶯歌陶瓷博物館「2015陶瓷新品獎」添～

單身狗表示唔想買返屋企，閃盲自己對眼！

官網推出無耐就賣晒～不過有好多原創作品嘅網購平台Pinkoi仲有得買～

Photo from 陶博館官網

Photo from pinkoi

「壁咚調味罐」
價錢：台幣$980（約港幣$253.5）／港幣$228.3
網上購買點：鶯歌陶瓷博物館的網路商店/Pinkoi

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）