【放假好去處】5大露營＋宿營合集咩都唔使帶超多嘢玩：觀星、餵羊、玩自動麻雀！

By Cynthia Wong on 22 May 2020

Digital Editor

最近未有得去旅行，周末想去放鬆一下的話，露營同宿營都係一個不錯嘅選擇，今次小編為大家整理了5大人氣露營及宿營設施，咩都唔使帶就可以去玩足兩日一夜，觀星、餵羊、玩自動麻雀！

1. 長洲西園
長洲真係有好多嘢玩㗎！除咗掃街之外，周末入去仲可以去露營添！位於長洲嘅西灣嘅西園，就係一個露營嘅好地方，仲可以餵羊添！長洲西園位於西灣，長洲落船後可以乘搭小船，大概5分鐘就會到，上船後再行一小段路就到㗎喇！西園面積相當大，足足有成400,000呎，好似住咗入大自然咁，好正啊！

Photo from Holiday Smart

長洲西園有好多款營地，包括觀星圓拱屋營區、蒙古包、南非營、印第安營、赤日，仲可以租用營帳或者自攜營帳。入住露營的話，可以咩都唔使帶就去露營，有冷氣唔會熱，厠所仲好乾淨添！

Photo from Holiday Smart

呢個營地最特別嘅地方，就係有好多山羊，大約有3-40隻，佢地可以自由自在地於營地內活動、食草，唔會被圈養住，有種去到大自然的感覺，而加 $10 的話，仲可以有一紮草去養羊添！

Photo from Holiday Smart

營地內有各種活動，包括樹頂走廊、沿繩垂降體驗、馬騮上樹、沿繩垂降挑戰等等，大人小朋友都可以挑戰，兩日一夜可以玩得好充實！

Photo from Holiday Smart

長洲西園
地址：Sai Yuen, Sai Wan 西灣, 西園
網址：https://www.facebook.com/saiyuenfarm/

2. 名樂漁莊

想對著大自然過一個休閒日，今次記者推介大家去到元朗上白泥，除了看最有名的日落之外，更可以去到露營地名樂漁莊，在大自然包圍下，休息一晚啦！

Photo from Holiday Smart

名樂漁莊地點位於元朗流浮山上白泥，營內提供多款營帳和露營車。討厭蚊蟲的朋友可以入住露營車，他們有4款不同的露營車選擇，想豪住的朋友，推介大家入住豪華露營車，入而環境就像家一樣，設施應有盡有。如果想親近大自然，望著星空入睡，就可以入住波子營，波子營分全透明和半透明。一大家細更可試一試可愛的吹氣營帳！

Photo from Holiday Smart

營入面租用設施亦非常多元化，營車對出有一大個草地，住客都可以玩球類活動，前台有棋類，卡類，呼拉圈，繩及小量遊戲可供借用。加上營地旁是釣魚場，大家可以釣魚後再BBQ！

Photo from Holiday Smart

Mingle Farm 名樂漁莊
地址：新界元朗流浮山上白泥
電話：2891 8263
網址：www.minglefarm.com

3. 貝澳露營車

JK Club 坐落於大嶼山南部生態保育區貝澳沙灘邊，香港第二高的山峰鳳凰山後，毗鄰老人山芝麻湾郊野公園，背山面海，風景秀麗，好岩一家大細齊齊去～設有設備齊全的英式露營車，包括2人、4人及5人車，方便你按人數揀露營車。在這裏除了可以BBQ之外，更有不同的戶外活動，例如行山活動，如果想讓小朋友親親大自然，趁假期放放電，便可選擇這裡來一個大嶼山camping。

JK Club一共有3種大小的露營車：
貝澳露營車小型露營車(2人)：梳化床 (雙人) x 1
貝澳露營車中型家庭露營車 (4人) : 雙人床 (4') x 1, 梳化床 (雙人) x 1
貝澳露營車中型家庭露營車 (4-5 人) : 碌架床 (2人) x 1, 梳化床 (雙人) x 1, 梳化床 (1人) x 1

Photo from Holiday Smart

房內設施非常齊全，有Wifi、冰箱 (小)、刀、卡遊戲/棋盤遊戲 (免費)、基本餐具、廚房、戶外傢具、沙發、洗潔精、淋浴、行李寄存服務、變頻式冷暖氣、開罐器、電熱水煲同風筒等。出面就係個草地，唔想帶食物可以揀燒烤好方便啊～
露營車旁係個農場，入面有好多隻小羊，仲可以餵佢地食草添！小朋友最愛嘅兔仔超可愛，好岩一家大細去玩～

Photo from Holiday Smart

露營車仲好近貝澳沙灘，大約步行 5 分鐘就可以到達，一家大細可以去玩沙游水睇日落。貝澳沙灘出名水清沙幼，天氣好影相會更靚，更不時吸引遊客同一家人去，可以去享受一下周末時光~

Photo from Holiday Smart

JK CLUB
網址：https://www.facebook.com/JKCLUBHK/

4. 元朗 Nature Park

位於元朗嘅Nature Park最出名就係有星空露營車，一抬頭就可以望見星空，人均$350真係好抵玩！Nature Park有多種露營車同活動設施，包括Park Nature觀星露營車 (4-6人)、5小時午間木屋派對房 (Park Nature)、Park Nature藍色寵物露營車 (4人)、5小時晚間木屋派對房 (Park Nature)同Park Nature5小時晚間木屋派對房連BBQ晚餐 (歡迎寵物)。