download HolidaySmart 假期日常 app
印尼動物園疫情下零收入 或要殺園區內小動物餵獅子老虎!

印尼動物園疫情下零收入 或要殺園區內小動物餵獅子老虎!

時事熱話 生活熱話
By Ivory on 25 May 2020
Digital Editor

早前新冠肺炎(武漢肺炎)疫情嚴峻,多國實施封城令,導致各地娛樂場所,包括動物園都要暫時閉園!因為關閉園區,導致好多動物園零收入,有限資金無法維持佢哋長期生活!印尼有個動物園因收入大減,資金將用盡,動物面臨糧食危機,有指動物園或會殺掉園區內其他小動物,如鹿、鵝、鳥類,優先餵飽獅子老虎!

印尼動物園或宰殺園內動物餵老虎獅子Photo from 路透社

印尼動物園或宰殺園內動物餵老虎獅子Photo from 路透社
因為疫情導致印尼動物園萬隆動物園零收入,動物園入面有850隻動物,園方預計7月動物飼料會耗盡,到時最壞情況可能要宰殺園內30隻鹿餵飽其他肉食動物,如老虎、獅子、豹等!到時仍然唔夠嘅話,就要殺埋鵝或者鳥類~
鹿、鵝、鳥類動物或成老虎獅子飼料Photo from 路透社

園方表示,以前一隻蘇門答臘虎每兩天可以得到10公斤嘅肉,依家只得8公斤~雖然食物仍然符合最低動物福利標準,但佢哋留意到靈長類動物如大猩猩,會因為吃不飽而發脾氣,開始丟嘢!經常出現食完仲想食嘅情況!
肉食動物食物需求大Photo from 路透社

發言人表示,動物園每日需要超過400公斤嘅水果,目前只係靠捐贈勉強支持住~

可以話,疫情下動物園嘅動物係大輸家...
猩猩因為食唔飽發脾氣丟東西!Photo from 路透社

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel