以色列新口罩 連接電源後可自行殺菌 只需約$8港元!

以色列新口罩 連接電源後可自行殺菌 只需約$8港元!

時事熱話 生活熱話
ByIvory on 26 May 2020 Digital Editor

疫情爆發以嚟,多個國家以及機構都著手研究有獨特功能嘅口罩,去減輕各地嘅醫療同環境負擔!早前美國哈佛與麻省理工大學就發明咗個發光口罩,快速檢測有冇染病!最近,以色列一間大學研究出新型環保口罩,可重用同識得自行清潔!

根據英國媒體Telegraph報導指,以色列理工學院材料科學與工程學院嘅研究人員日前開發咗一款可重用嘅殺菌口罩。口罩入面有碳纖維層,只要用電話充電器提供電流,就可以殺滅病原體,包括喺口罩上嘅新冠病毒。即係叉電即殺菌,環保得嚟又易用!係真正能重用嘅口罩!

以色列發明叉電即殺菌的可重用口罩
Photo from The Times of Israel

以色列新口罩比其他可重用口罩更環保及安全
Photo from HK Gov

以色列新口罩叉電即能自己清潔殺菌
Photo from 以色列新口罩叉電即能自己清潔殺菌

廣告
廣告

重點係佢夠平!研究人員已經向美國專利同商標局提交專利申請,並希望能以1美元(約$8港元)嘅價錢出售!簡直係良心嘅偉大發明!

如果香港都有呢個真.可重用口罩,一嚟可以真·防禦病毒,唔使驚洗咗幾多次後就冇咗保護性,另一方面又做到真·環保!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook