香港驚現罕有「地震魚」！一般棲息於深海 或成香港出現地震預兆？

最近有網民喺香港發現有俗稱「地震魚」嘅皇帶魚，引發香港或會出現地震嘅憂慮。

有玩開《動物森友會》嘅朋友仔應該都有釣過皇帶魚，皇帶魚身體呈扁平狀，身長最高可達11米。

Photo from PressLogic

皇帶魚一般棲息於200至1,000米深海帶，由於外形獨特，有唔少傳說。

日本人認為皇帶魚係「龍宮使者」，而且因為皇帶魚向來棲息於深海，所以認為只有板塊移動先會令佢出現喺淺水區。

Photo from 魚津水族館

因此皇帶魚出現就被認為係預示會發生大地震，又被稱為「地震魚」。

Photo from 魚津水族館

最近有網民喺香港南丫島海灘上發現「地震魚」嘅屍體，而該皇帶魚屍體已乾透發白，相信已被沖上岸好幾日。

估唔到香港都會出現皇帶魚！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）