《逃恥》特別版開播！新垣結衣星野源隔空大跳經典「戀舞」！

由新垣結衣同星野源主演嘅經典劇集《逃避雖可恥但有用》一開播就廣受市民歡迎！套劇完咗咁耐，以為佢冇晒魔力？咁就錯啦！自佢上星期2播出《逃恥》特別版，旋即登上Twitter熱門搜尋榜第一位！收視仲高過首播！琴日嗰集嘅片尾，仲見到結衣BB同星野源驚喜現身，隔空大跳經典「戀舞」添～粉絲見到久未露面嘅結衣BB，非常興奮啊！

Photo from IG@aragakiyui_fanspage

Photo from IG@aragakiyui_fanspage

受疫情影響，4月嘅日劇全部停拍，當地電視台都重播返多套經典日劇，包括《野豬大改造》、《仁醫》、《派遣的品格》等，點知收視率比新劇仲好添～而上星期二開始就重播返《逃恥》！雖然話就話重播，但其實佢係《逃恥》嘅特別篇～經過重新剪輯，加入咗唔少未曾公開過嘅場面同鏡頭，令觀眾睇上嚟有種新鮮感！不過剪輯幾多集就未定～

Photo from IG@iamgenhoshino

Photo from IG@iamgenhoshino

琴晚嗰集嘅片尾仲驚喜見到結衣BB跳舞，令網民十分興奮，喺社交網站瘋狂洗版，令「#逃恥」連續兩星期登上Twitter全球熱門榜首。見到結衣BB一身樸素衛衣，束起馬尾跳舞，勁可愛！

Photo from 《逃恥特別版》

Photo from 《逃恥特別版》

Photo from 《逃恥特別版》

Photo from 《逃恥特別版》

劇迷亦非常期待《逃恥》出續篇啊！

《逃恥》改編自海野綱彌的原著漫畫，講述研究生畢業但搵唔到工嘅森山實栗，選擇同上班族津崎平匡「合約結婚」。劇集喺2016年播完後，原著漫畫亦都完咗。但之後漫畫2019年1月25日喺雜誌《Kiss》重新連載，講述主角森山與津崎真正結婚成為夫婦後嘅婚姻生活，結婚兩年半兩人嘅愛情結晶品終於出世～最好就原版人馬，搵返結衣BB同星野源拍啦！

みくり(新垣結衣)・平匡(星野源)
✨ リモート恋ダンス ✨#逃げ恥 #恋ダンス #リモート恋ダンス #新垣結衣 #星野源 pic.twitter.com/JiQaW0Cy7M

— おいコー?55▶️未定 (@Victory_Cyclone) May 26, 2020

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）