《雙層公寓:東京2019-2020》將永久停拍！揭穿真人騷黑暗面！

有份參演《雙層公寓》嘅木村花上星期自殺身亡，有指佢自殺嘅原因源於網上欺凌，引起網民爭議，矛頭直指《雙層公寓》。近日喺官網宣布《雙層公寓：東京2019-2020》決定腰斬，以及永久停拍！

Photo from 《雙層公寓》

尚「TERRACE HOUSE TOKYO 2019-2020」に関しましては、制作を中止する事を決定致しました。
この度のことを重く受け止め、今後も真摯に対応して参りたいと考えております。

— TERRACE HOUSE (@TH6TV) May 27, 2020

有《雙層公寓》前員工及參加者揭真人騷3罪證：
每集《雙層公寓》開始前，都會有主持向觀眾強調係冇劇本！但為咗營造氣氛，如衝突場面，製作單位會要求參加者「發火」，務求引起網民關注及討論!

1.激吻有錢收
有報導引述已離職，有份參與《雙層公寓》製作嘅前員工表示，只要喺節目中接吻/激吻，成員就可以拎走約5萬日圓嘅獎金，不過呢個獎金制度喺佢離職前已經取消咗～

Photo from 《雙層公寓》

2.唔跟指示要NG
為咗營造效果，會叫成員按指示去拍，鏡頭就會變多！！好多時參加者為一圓當明星嘅夢，一般都會照做！新一季節目更係鐘意捕捉人性醜陋嘅一面！但亦有人因此頂唔順退出節目。

Photo from 《雙層公寓》

前員工指：「我哋會指示參加者要鬧得再惡啲，好似係東京篇嘅其中一集，我們想要木村花妒忌一面，等女生們為男生爭風吃醋，當事人咁樣被要求時，心理狀態一定好痛苦。」

3.斬頭斬尾剪接
當中成員水越愛華、人稱「淫賤社長」新野俊幸也反駁指，自己未曾收指示去演出～不過兩人都對節目組斬頭斬尾嘅剪接手法非常不滿，覺得節目組斷章取義。

Photo from IG@iamemika21

Photo from IG@iamemika21

《雙層公寓》Twitter上除咗宣布東京篇將永久停拍之外，亦對木村花致意深切哀悼！

Photo from IG@hanadayo0903

Photo from IG@hanadayo0903

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）