澳門咀香園被中山咀香園告侵權!法庭裁定澳門咀香園敗訴 需賠償10萬人民幣

澳門咀香園被中山咀香園告侵權!法庭裁定澳門咀香園敗訴 需賠償10萬人民幣

時事熱話 生活熱話
By Jennifer on 04 Jun 2020
Digital Editor

澳門好多時都會去澳門咀香園買返啲蛋卷、杏仁餅等等做手信。原來中山都有間咀香園,兩間都係做杏仁餅等食物。

而中山咀香園早前就提出訴訟,告澳門咀香園侵害中山咀香園嘅商標權以及不正當競爭,要求澳門咀香園賠償50萬。

香港人去澳門玩都免不了會去澳門咀香園買返一、兩盒手信,加上超洗腦主題曲「咀香園,咀香園,買手信,買手信,款式至多至好味......」香港人對澳門咀香園都非常熟悉。

去澳門好多時都會去澳門咀香園買返啲蛋卷、杏仁餅等等做手信Photo from 澳門咀香園

原來喺廣東中山都有一間同名同姓嘅「咀香園」,仲係「中華老字號」。

中山咀香園於1918年創辦,至今超過100年。以杏仁餅起家,杏仁餅傳統製作工藝獲列入「廣東省非物質文化遺產」名錄,喺內地相當出名。

中山咀香園於1918年創辦,至今超過100年。以杏仁餅起家Photo from 中山咀香園

其官網指出:「72年前(1946年),咀香園杏仁餅因熱銷而被假冒,為維護權益,連續多期在《建中日報》發表打假聲明,指出省港澳有不法無恥之徒盜用咀香園餅家之名生產。」

廣告
廣告

之前中山咀香園發現,澳門咀香園委託內地某電視台新聞頻道播出嘅節目畫面中出現同咀香園相關標識,認為以上行為侵害其商標權並構成不正當競爭為由提起訴訟,索償經濟損失人民幣50萬。

澳門咀香園委託內地某電視台新聞頻道播出嘅節目畫面中出現同咀香園相關標識Photo from 澳門咀香園

中山市第一人民法院一審認為,中山咀香園多年嚟宣傳使用註冊咗嘅14個商標,已有較高知名度,所以澳門咀香園行為構成商標侵權。

中山咀香園控告澳門咀香園侵害中山咀香園嘅商標權以及不正當競爭Photo from 中山咀香園

但澳門咀香園喺廣告中使用「澳門咀香園餅家」唔會令消費者產生混淆或者誤認,所以裁定澳門咀香園公司不構成不正當競爭,判澳門咀香園、黃永昌、內地電視台需向中山咀香園賠償經濟損失10萬人民幣。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel