唔喺戲院上映?!吉卜力全新首部3DCG長篇動畫《蜈蚣與女巫》 最快今年冬季有得睇

唔喺戲院上映?!吉卜力全新首部3DCG長篇動畫《蜈蚣與女巫》 最快今年冬季有得睇

電視電影 生活熱話
ByCelia on 05 Jun 2020 Digital Editor

吉卜力嚟緊又有新作喇!吉卜力將會推出全新嘅3DCG長篇電視版動畫《蜈蚣與女巫》(アーヤと魔女),仲預計今年冬季就有等睇。不過今次就講明唔會喺戲院上映,而會喺日本NHK總合電視台度播放,各位粉絲要注意喇!

吉卜力將會推出全新嘅3DCG長篇電視版動畫《蜈蚣與女巫》
Photo from NHK

近日,日本電視台NHK就宣布將會播出人氣動畫公司吉卜力工作室嘅全新首部3DCG長篇電視版動畫《蜈蚣與女巫》。

徳間書店児童書編集部/Twitter
Photo from 徳間書店児童書編集部/Twitter

動畫將由宮崎駿負責企劃,並由其兒子宮崎吾朗出任監督。

動畫改編自撰寫《哈爾移動城堡》嘅英國奇幻小說作家 Diana Wynne Jones 嘅 2011 年作品《Earwig and the Witch》。

amazon.co.jp
Photo from amazon.co.jp

故事講述一個一個唔知自己身上擁有住魔女血統嘅女孩安雅(Earwig)。有一天安雅嚟到一間奇怪嘅屋居住,仲喺屋中遇到一位壞心腸魔女,開始與對方生活相處後所發生嘅一連串奇妙事件。

廣告
廣告

amazon.co.jp
Photo from amazon.co.jp

而今次依套3DCG動畫係唔會喺戲院上映,而係會喺今年冬季喺日本NHK總合電視上播放。

《蜈蚣與女巫》亦係繼 2000年《Ghiblies》嘅第3部喺電視動畫。

相信一眾吉卜力工作室嘅粉絲都會非常期待呀!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook