海洋公園今星期六重開!大推7項港人優惠 開放時間有變 並設休園日!
海洋公園閉園接近5個月,今日政府宣布海洋公園將會喺今個星期六重開,並且大推7大港人優惠!
Photo from 海洋公園
1.香港居民可以優惠價港幣$350購買成人入場門票,即送$350園內現金券!
2.65歲或以上之香港居民於海洋公園票務處出示香港身份證明文件或社會福利署簽發之長者咭,即可換領免費門票1張!
Photo from 海洋公園
Photo from PressLogic
3.3-11歲之香港居民出示香港身份證明文件,即可換領免費即日小童門票及「買港幣$50送港幣$50」遊戲攤位優惠券一張。
4.登山纜車特快通行一次(只限65歲或以上之香港居民)
5.於指定餐廳及小食亭消費全單可享7折優惠(只限65歲或以上之香港居民)
6.於紀念品店惠顧「威威與好友」產品可享7折優惠(只限65歲或以上之香港居民)
7.「買港幣$50送港幣$50」遊戲攤位優惠券
Photo from PressLogic
如果你喺休園期間錯過生日優惠嘅香港市民,喺公園恢復營運後一個月內(6月13日至7月12日),出示香港身份證或香港出生證明,就可以領取當日免費門票入場!
Photo from 海洋公園
海洋公園網站上表明,公園喺恢復營運嘅頭個半月(6月13日至7月31日)開放時間係平日上午10:00至晚上6:00、週末及公眾假期上午10:00至晚上7:00,並逢星期二休園。
所有訪客均須提前憑入場門票喺網上預約到訪日期。訪客可選擇14日內入園日期,預約8人或以下群組到訪。
成功登記後,系統將即時顯示有預約QRcode嘅確認訊息,訪客亦會收到相關確認電郵,入園時需要同時出示預約QR code及同登記門票或智紛全年入場證。
詳情可上海洋公園官網查看!
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)