今次香港都有得食啦～～Godiva推出6款夏季新甜品，有藍莓白巧克力凍飲，今個夏天涼浸浸～～

次次都係日本Godiva推出新甜品，香港嘅吃貨只係得個望字，不過今次終於威返次啦，香港都有得食啦～～Godiva推出6款夏日甜品，包括4款凍飲同2款雪糕，最令人期待嘅係梨子黑巧克力同藍莓白巧克力凍飲～～點揀好呢？？

Photo from Godiva Chocolatier (Asia)

Godiva全新夏季甜品系列，4款全新口味巧克力凍飲同2款雪糕，仲有推出品牌專屬嘅咖啡飲品系列，今個夏天就算肥都要試晒佢地！

Photo from godiva.com.hk

夏天當然要食杯雪糕啦，Godiva新出嘅2款口味雪糕，梨子黑巧克力味同香草可可味，使用優質香草製成，每啖都有濃濃嘅香草芳香～～

Photo from Godiva Chocolatier (Asia)

一直深受大家喜愛嘅巧克力凍飲，今個夏天有4款全新味道任你揀，包括充滿莓子果味嘅藍莓白巧克力凍飲，果味清香趕走悶熱～～

Photo from Godiva Chocolatier (Asia)

杏仁味白巧克力凍飲，將香脆杏仁混合香滑嘅白朱古力入面，兩者配合得天衣無縫～～仲有獨特嘅比利時餅乾味白巧克力凍飲，同即將推出清新嘅檸檬白巧克力凍飲～～

Photo from Godiva Chocolatier (Asia)

72%黑巧克力凍飲，同其他現有嘅巧克力凍飲口味都會繼續陪住大家～

Photo from Godiva Chocolatier (Asia)

Godiva首次推出品牌專屬的咖啡飲品系列，於指定分店發售，每天為你加加油，凡買夏日系列嘅咖啡，會配搭上一粒巧克力，完美體驗Godiva嘅巧克力～～

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）