download HolidaySmart 假期日常 app
海洋公園重開!記者坐過山車忍唔住興奮尖叫成網絡熱話

海洋公園重開!記者坐過山車忍唔住興奮尖叫成網絡熱話

時事熱話 生活熱話
By Jennifer on 15 Jun 2020
Digital Editor

因為疫情,暫時關閉幾個月嘅海洋公園終於重開,更推出多項港人優惠

而重開當日亦有唔少記者入園報導第一日開園實況,其中Now TV一位記者喺過山車嘅報導成為網絡熱話。

海洋公園閉園幾個月,期間有財政危機,最終需政府撥款資助繼續營運。

暫時關閉幾個月嘅海洋公園終於重開,推出多項港人優惠。Photo from 海洋公園

而喺上星期六,海洋公園終於重開,本地傳媒都有派記者入場報導首日開園情況。

其中Now TV記者喺最後仲親自坐上過山車報導,佢話:「如果大家係識嘅都仲可以坐埋一齊,如果自己一個玩嘅話,就要孤伶伶坐咁樣任何設施都係自己一個坐!」

Now TV記者仲親自坐上過山車報導Photo from Now TV

「如果自己一個玩嘅話,就要孤伶伶坐咁樣任何設施都係自己一個坐!」Photo from Now TV

直到過山車開出,佢更忍唔住大叫:「Now TV記者張福軒報導,啊~~~~」更興奮到舉高雙手!

直到過山車開出,佢更忍唔住大叫:「Now TV記者張福軒報導,啊~~~~」Photo from Now TV

就係呢兩秒「啊~~~~」令成個採訪變成網絡熱話,有網友留意到呢個過山車係位於冰極天地嘅「極地時速」,比較無咁刺激,指「畀小朋友玩嘅都嗌到咁,好好演技」

有網友留意到呢個過山車係位於冰極天地嘅「極地時速」Photo from 海洋公園

又認為呢段片會成為經典新聞片段。

資料來源:Now Tv

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel