【PS5遊戲推介】香港九龍城寨作故事背景 玩家化身流浪貓潛入機器人城市

【PS5遊戲推介】香港九龍城寨作故事背景 玩家化身流浪貓潛入機器人城市

生活熱話 電子遊戲
ByCelia on 18 Jun 2020 Digital Editor

早前 PlayStaion 就公布咗粉絲期待以久嘅 PlayStation 5 及一系列將推出嘅大熱新遊戲陣容,不過唔知大家有冇發現其中一款Game嘅主角竟然係一隻流浪貓,而且最特別嘅係遊戲故事背景係以香港著名昔日嘅九龍城寨作為藍本!講緊嘅就係依隻以流浪貓為主角的冒險遊戲《Stray》,預計明年推出。

依隻以流浪貓為主角的冒險遊戲《Stray》,預計明年推出。
Photo from 《STRAY》

目前依隻Game嘅公開資訊並唔多,但從預告片中可以睇到《Stray》嘅世界似乎冇任何人類,全部都係機器人,而一隻身手靈活孤獨嘅流浪貓咪喺依座荒涼嘅城市穿梭,必須解開一個古老嘅謎題才能逃出生天。

《Stray》嘅世界似乎冇任何人類,全部都係機器人,而一隻身手靈活孤獨嘅流浪貓咪喺依座荒涼嘅城市穿梭。
Photo from 《STRAY》

據了解依隻Game係嚟自法國一隊名為「BlueTwelve Studio」嘅遊戲開發團隊,遊戲原名為《HK_Project》,開發人喺遊戲中表達咗佢哋對香港昔日嘅九龍城寨獨特而神秘嘅結構和氛圍情有獨鍾,所以就決定以此為遊戲主軸,形造一個適合貓咪流浪、探索嘅「反烏托幫」環境。

依隻Game係嚟自法國一隊名為「BlueTwelve Studio」嘅遊戲開發團隊,遊戲原名為《HK_Project》
Photo from 《STRAY》

遊戲以貓為主角,玩家化身流浪貓獨立冒險遊戲,故事背景喺一個哀敗殘破、住咗各式各樣嘅機器人城市,城中到處都係霓虹燈招牌、冷漠嘅機器人及髒亂陰暗嘅小巷。

玩家化身流浪貓獨立冒險遊戲
Photo from 《STRAY》

玩家要喺高低起伏嘅水管或屋頂等探索,小心翼翼處理未知嘅危險,喺依個睇落高科技卻充斥住冷漠嘅機器人世界中生存,並設法排解迷題搵路回家。

玩家要喺高低起伏嘅水管或屋頂等探索,設法排解迷題搵路回家。
Photo from 《STRAY》

而遊戲中嘅主角真身正正就係開發團隊所養嘅一群可愛貓咪,令貓咪喺遊戲中更活靈活現,畫面更逼真。

廣告
廣告

遊戲中嘅主角真身正正就係開發團隊所養嘅一群可愛貓咪
Photo from 《STRAY》

昔日九龍城寨內密集得幾乎不見天日嘅大廈。

機器人與貓咪喺樓梯轉角相遇
Photo from 《STRAY》

大鏡子、摺椅好有舊式上海理髮店Feel呀!

舊式上海理髮店Feel呀!
Photo from 《STRAY》

當然一定要有昔日香港嘅代表之一嘅霓虹燈招牌喇~

昔日香港嘅代表之一嘅霓虹燈招牌
Photo from 《STRAY》

《Stray》暫定會喺2021年推出PS4、PS5及Steam版本,各位有興趣嘅貓奴朋友記得唔好錯過喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook