黑龍江死火山沉睡50萬年 最近復活!處於「充電」狀態 岩漿庫熔岩達40%會火山爆發!

黑龍江死火山沉睡50萬年 最近復活!處於「充電」狀態 岩漿庫熔岩達40%會火山爆發!

時事熱話 生活熱話
ByIvory on 22 Jun 2020 Digital Editor

已被視為死火山,位於中國黑龍江五大連池火山區嘅尾山火山最近有再次活躍嘅跡象!報導指呢座火山已經有50萬年冇爆發過,今次嘅發現震驚好多人!若岩漿庫儲有40%熔岩,火山就有機會爆發!

黑龍江死火山復活
Photo from HolidaySmart

中國科技大學地球和空間科學學院、地震與地球內部物理實驗室團隊研究發現,火山下嘅岩漿不斷醖釀增加,正係由上地殼上升至中地殼嘅岩漿庫,好似充緊電咁!

團隊估計上地殼嘅岩漿庫已有15%熔岩,若達40%,火山或有機會爆發。呢座火山靠近俄羅斯同北韓,爆發起上嚟,有機會被波及!

若岩漿庫熔岩達40%或會火山爆發!
Photo from HolidaySmart

研究人員亦有分析火山周圍嘅地震台站監測數據,發現岩漿庫周圍有地震嘅火山震動訊號,進一步證明尾山火山正處於活躍狀態,又話團隊觀察咗呢座火山幾十年,都發現唔到啲咩,「因為整個地區真係好靜好靜」!

廣告
廣告

五大連池火山區有14座火山,最近一次爆發已經係1719至1721年(即係約300年前左右)。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook