日本網站調查:日本人最希望台灣、香港遊客回流觀光!

日本網站調查:日本人最希望台灣、香港遊客回流觀光!

旅遊攻略 旅遊新聞
ByJennifer on 22 Jun 2020 Digital Editor

日本網站早前進行調查,了解日本人喺疫情下對旅遊業嘅睇法。

當問到疫情過後最想招攬嘅外國遊客,最多受訪者選擇台灣,香港緊隨其後排第二,第三位係泰國。

日本喺解除緊急事態宣言後,宣布於19日「觀光解禁」,允許國民眾喺國內自由出入。

日本宣布於19日「觀光解禁」,允許國民眾喺國內自由出入
Photo from PressLogic

網站「訪日Lab」就為「有關新型冠狀病毒與緊急事態宣言解除」進行調查, 喺6月4日至6月10日期間,以網上問卷形式訪問讀者。

問到「外國遊客幾時會回流日本」,超過35%受訪問認為要到下年2月,有近20%受訪者認為係下年7月東京奧運舉行時。

問到「外國遊客幾時會回流日本」,超過35%受訪問認為要到下年2月
Photo from PressLogic

而「最希望邊度嘅遊客優先到日本觀光」一題,有近80%受訪者選擇台灣,香港排第二,有近6成受訪者選擇,第三位係泰國,有50%受訪者選擇。(該問題可以複選)

廣告
廣告

最希望邊度嘅遊客優先到日本觀光
Photo from 訪日Lab

台灣、香港、泰國成日本人最希望回流觀光遊客
Photo from PressLogic

關於選擇外國遊客到日本觀光嘅標準時,最多受訪者選擇「該國家遊客數量多」,有超過60%;其次超過3成受訪者選擇「該國家遊客消費額高」;有25%受訪者選擇「該國家遊客守禮」。

關於選擇外國遊客到日本觀光嘅標準時,最多受訪者選擇「該國家遊客數量多」
Photo from PressLogic

另外有超過70%受訪旅遊業界人士表示會積極招攬外國遊客。

資料來源:訪日Lab

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook