【Apple發佈會WWDC 2020】全新 iPadOS 6大新功能令 Apple Pencil 更實用

今日（23/6）香港時間凌晨Apple就喺加州庫比提諾舉行咗蘋果嘅 Keynote 發布會（簡稱WWDC 2020），喺今次嘅新發布中除咗新 iOS 14 吸引之外，其實新iPadOS都相當唔錯，新功能無論喺app 設計、簡化 Siri、搜尋和通話方面系統互動操作嘅精簡介面及全新嘅手寫功能，都令 Apple Pencil 變得更實用。即刻睇下有咩新功能先喇～

Photo from Apple

1. 更強 App 體驗

「相片」、「檔案」、「備忘錄」、「日曆」及 Apple Music 等 app 嘅側邊欄均經過重新設計，將與導覽整合，令用家可以將內容保持喺正前方，同時輕而易舉地操作。此外，簡而精嘅工具列及全新下拉式選單可讓用家喺單一地方取用各種 app 控制選項。

Photo from Apple

2. 搜尋功能

依個功能可以畀用家集中喺一點就可以快速搵到一切所需，由找出到開啟 app，到存取通訊錄、檔案和簡要資訊，以及查閱人物或地方相關嘅常見問答都可以一一辦到。而且配合全新嘅精簡設計，用家可以喺任何地方都可以開始進行搜尋，不必離開當前嘅正在使用嘅 app。

Photo from Apple

另外，網頁搜尋亦會變得更強大且精良，喺用家輸入時提供更多相關建議，而且只需簡單一按就能獲得搜尋結果。

Photo from Apple

3. 優化通知

為配合 FaceTime、電話、Siri 互動及搜尋功能而設嘅全新設計，喺 iPad 上尤其有用，可有助用家喺保持專注嘅情況下，做到更多事情。現時，FaceTime 及電話來電會以輕巧的橫額顯示，唔會再佔據整個螢幕畫面；用家只要一按即可輕鬆接聽，一掃便可拒絕來電，繼續投入工作。而 Siri 喺啟動後會喺螢幕嘅底部出現，方便用戶提出要求時，仍可透過螢幕順暢地閱覽資訊；當要開啟其他 app 或控制音樂項目，Siri 隨即會被隱藏。

Photo from Apple

4. iPad 隨手寫

iPadOS 14 將隨手寫功能帶入 iPad，以配合 Apple Pencil，用家可喺任何文字欄位書寫，手寫文字會自動轉換為鍵入文字。回覆 iMessage 或喺 Safari 進行搜尋等動作，從此變得快速又簡單。

所有手寫文字及轉換鍵入文字均喺裝置上進行，私密安全。

Photo from Apple

而喺做筆記時，Smart Selection 功能會運用裝置上嘅機器學習嚟分辨手寫文字和圖畫，輕鬆選取和剪下手寫文字，並貼到另一文件成為鍵入文字。形狀辨認功能讓用戶家可畫出完美嘅幾何圖形，當要在「備忘錄」上加入實用圖表和插圖時，更可以輕鬆貼齊。

此外，資料偵測器亦已適用於手寫文字，可識別電話號碼、日期和地址，並讓用家可點按所寫嘅號碼來撥打電話、將活動日程直接加至日曆，或「地圖」顯示地點等。隨手寫功能將率先支援英文、繁體及簡體中文，以及中英文混合，用戶可中英夾雜書寫，無需特地轉換語言。

Photo from Apple

5. 擴增實境

ARKit 4 具備全新 Depth API，令開發者可取用更多以 iPad Pro 嘅全新 LiDAR 感測器記錄數據。用家可使用 Depth API 喺 app 內驅動強勁嘅全新功能，例如身體測量，以獲得更準確嘅試穿效果；或者喺粉刷房間前，先看看上色效果。

而且ARKit 4 將同時帶嚟適用於 iOS 及 iPadOS 中嘅 Location Anchors 功能，可運用全新地圖 app 上現有提供嘅更高解像度數據，將 AR 體驗釘選喺特定地點。

Photo from Apple

6. 私隱保障

所有 app 均須得到用戶允許，方可進行追蹤。用家可將現有嘅帳戶升級至 「使用 Apple 登入」；喺允許 app 取用位置時，選擇與 app 開發者分享大約位置而非準確位置；並更清楚了解 app 取用咪高風和相機嘅情況。

Photo from Apple

最後，提提大家一系列全新嘅iOS大眾beta版就最快喺下月推出，而且一眾 Developer Program 嘅會員就可以即日去喺developer.apple.com率先預覽！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）