2021年開幕!冰島Chill爆無邊際溫泉體驗  邊浸邊睇日落 猶如置身仙境一樣~

2021年開幕!冰島Chill爆無邊際溫泉體驗  邊浸邊睇日落 猶如置身仙境一樣~

旅遊攻略
ByCelia on 24 Jun 2020 Digital Editor

早前有意放寬出入境限制嘅冰島嚟緊將有新景點喇!酒店集團 Pursuit 早前就宣布喺 2021 年喺冰島瀉湖遊覽勝地打造無邊際溫泉獨特體驗 Sky Lagoon 。大家可以喺依個擁有絕妙海景、瀰漫著陣陣煙霧嘅地熱人工瀉湖,盡享暢遊兼睇日落。

酒店集團 Pursuit 早前就宣布喺 2021 年喺冰島瀉湖遊覽勝地打造無邊際溫泉獨特體驗 Sky Lagoon 
Photo from Sky Lagoon Iceland

Sky Lagoon位於冰島第二大城市科帕沃于爾嘅Kársnes Harbour,離首都雷克雅維克只有幾分鐘車程,依度唔單止坐擁雄渾嘅大西洋風光,仲可以睇到動人嘅日落、北極光等靚景。

Sky Lagoon位於冰島第二大城市科帕沃于爾嘅Kársnes Harbour,離首都雷克雅維克只有幾分鐘車程
Photo from Pursuit

Sky Lagoon 擁有 70 米無邊際溫泉,置身於水中就好似能完美融入到海洋中一樣咁,而且設計仲受到傳統冰島草皮房啟發。

設計受到傳統冰島草皮房啟發
Photo from Pursuit

喺地熱嘅湖水中,一邊放鬆心情一邊欣賞無邊嘅海景,睇住日落喺天然地熱水中消磨悠閒時光,如果幸運嘅話喺夜晚仲有可能見到北極光添~

一邊放鬆心情一邊欣賞無邊嘅海景,睇住日落喺天然地熱水中消磨悠閒時光
Photo from Pursuit

廣告
廣告

Sky Lagoon 中除咗設有無邊際溫泉之外,仲設有溫泉酒吧、海濱桑拿浴室、餐廳和購物場所等,一次過滿足晒你唔同嘅需要。

除咗設有無邊際溫泉之外,仲設有溫泉酒吧、海濱桑拿浴室、餐廳和購物場所等,一次過滿足晒你唔同嘅需要。
Photo from Pursuit

當然仲設有SPA水療中心,令客人嘅身心靈都可以得到放鬆。

當然仲設有SPA水療中心喇!
Photo from Pursuit

有機會去冰島玩, 記得去試吓喇!

Sky Lagoon
地址:Kársnes Harbour

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook